రెబల్ స్టార్ ప్రభాస్ ప్రధాన పాత్రలో నటించిన ‘కల్కి 2898 ఏడీ’ సినిమాకు సీక్వెల్ షూటింగ్ అక్టోబర్ నెలలో ప్రారంభం కానుంది. ఈ చిత్రాన్ని వైజయంతీ మూవీస్ బ్యానర్పై అశ్వినీదత్ నిర్మిస్తున్నారు.
తొలి భాగం బాక్సాఫీస్ వద్ద భారీ విజయాన్ని అందుకోవడంతో పాటు రెండు నేషనల్ అవార్డులను గెలుచుకుంది. దీంతో ఈ రెండో భాగంపై దేశవ్యాప్తంగా ప్రేక్షకుల్లో భారీ అంచనాలు నెలకొన్నాయి.
ఈ సీక్వెల్లో ప్రభాస్తో పాటు అమితాబ్ బచ్చన్, కమల్ హాసన్ కూడా కీలక పాత్రల్లో కనిపించనున్నారు. దర్శకుడు నాగ్ అశ్విన్ ఈ సినిమా కథను, ప్రపంచాన్ని మరింత భారీ స్థాయిలో తీర్చిదిద్దేందుకు తెరవెనుక తీవ్రంగా శ్రమిస్తున్నారు.
వచ్చే నెల నుంచి ప్రభాస్తో పాటు ఇతర ముఖ్య నటీనటులు షూటింగ్లో పాల్గొననున్నారు. భారీ షెడ్యూళ్లతో ప్లాన్ చేస్తున్న ఈ సినిమా నిర్మాణాన్ని 2027 మధ్య నాటికి పూర్తి చేయాలని చిత్ర బృందం లక్ష్యంగా పెట్టుకుంది.
