చిన్న మరియు మధ్యతరహా వ్యాపారాలకు ఆర్థిక సహాయం అందించడానికి కేంద్ర ప్రభుత్వం ప్రారంభించిన ‘ప్రధానమంత్రి ముద్రా యోజన’ (PMMY) కింద గరిష్ట రుణ పరిమితిని రూ.10 లక్షల నుండి రూ.20 లక్షలకు పెంచారు. ఈ పథకం ద్వారా కొత్త వ్యాపారాలు ప్రారంభించే వారికి రూ.50 వేల నుండి రూ.20 లక్షల వరకు రుణాలు లభిస్తున్నాయి.
ఈ రుణాలను మూడు వర్గాలుగా విభజించారు: ‘శిశు’ (రూ.50 వేల వరకు), ‘కిశోర్’ (రూ.50 వేల-5 లక్షల మధ్య), మరియు ‘తరుణ్’ (రూ.5 లక్షల-10 లక్షల మధ్య). కొత్తగా రూ.20 లక్షల పరిమితిని ప్రవేశపెట్టారు. ఇది గతంలో తరుణ్ రుణాలను విజయవంతంగా తీర్చిన వ్యాపారులకు మాత్రమే వర్తిస్తుంది.
దరఖాస్తు చేసుకోవడానికి ఆధార్ కార్డ్, పాన్ కార్డ్, వ్యాపార చిరునామా ఆధారాలు (జీఎస్టీ లైసెన్స్), బ్యాంక్ స్టేట్మెంట్, పాస్పోర్ట్ ఫోటోలు అవసరం. బ్యాంకులు లేదా ‘జన్ సమర్థ్’ పోర్టల్ ద్వారా ఆన్లైన్లో దరఖాస్తు చేసుకోవచ్చు. రుణాన్ని తిరిగి చెల్లించడానికి 3 నుండి 5 సంవత్సరాల సమయం ఇవ్వబడుతుంది.
ఈ పథకం ద్వారా లక్షలాది చిన్న వ్యాపారాలు పునరుద్ధరించబడ్డాయి. ప్రభుత్వం ప్రకారం, ఈ స్కీమ్ ద్వారా దేశవ్యాప్తంగా 4.5 కోట్లకు పైగా రుణాలు ఇప్పటివరకు పంపిణీ చేయబడ్డాయి.
