భారతదేశానికి స్వాతంత్య్రం వచ్చిన 1947లో 10 గ్రాముల బంగారం ధర రూ.88.62గా ఉండేది. ఆగస్టు 2026 నాటికి అదే 10 గ్రాముల బంగారం ధర రూ.1,55,130కు చేరుకుంది. ఈ ఎనిమిది దశాబ్దాల కాలంలో బంగారం ధర 1711 రెట్లు పెరిగినట్లు గణాంకాలు చెబుతున్నాయి.
అయితే ఈ ధరల పెరుగుదల ఏకధాటిగా సాగలేదు. 1950లో రూ.99.18గా ఉన్న 10 గ్రాముల బంగారం ధర, 1964 నాటికి రూ.63.25కు పడిపోయింది. ఇలా మధ్య మధ్యలో ధరలు తగ్గడం, కొన్ని సంవత్సరాల పాటు స్థిరంగా ఉండటం వంటి హెచ్చుతగ్గులు కనిపిస్తాయి.
వెండి ధరల ప్రయాణం కూడా ఇలాగే సాగింది. 1970-71లో కిలో వెండి ధర రూ.536.08 ఉండగా, 2026 ఆగస్టు 15 నాటికి అది రూ.2.55 లక్షలకు చేరింది. 1984-85 నుంచి పోల్చి చూస్తే, వెండి ధర 55 రెట్లు పెరగగా, బంగారం ధర 76 రెట్లు పెరిగి వెండి కంటే మెరుగైన వృద్ధిని చూపింది.
ప్రస్తుతం మార్కెట్లో 24 క్యారెట్ల బంగారం 10 గ్రాముల ధర రూ.1,55,130గా, 22 క్యారెట్ల బంగారం ధర రూ.1,42,200గా ఉంది. భవిష్యత్తులో ఈ ధరలు ఇంకా పెరిగే అవకాశం ఉందని నిపుణులు అంచనా వేస్తున్నారు.
