Amazon సంస్థకు చెందిన AWS (Amazon Web Services) బిల్లింగ్ పోర్టల్లో తలెత్తిన సాంకేతిక లోపం వినియోగదారులను ఆందోళనకు గురిచేసింది. తాము ఉపయోగించని క్లౌడ్ సర్వీసులకు కూడా వేల కోట్ల డాలర్ల బిల్లులు రావడంతో వినియోగదారులు షాక్కు గురయ్యారు. ఒక వినియోగదారుడికి ఈ నెల బిల్లు ఏకంగా 2.5 బిలియన్ డాలర్లుగా చూపించింది.
గురువారం రాత్రి నుంచి ఈ తప్పుడు బిల్లింగ్ డేటా కనిపించడం మొదలైందని Amazon గుర్తించింది. అయితే, ఈ బిల్లులు కేవలం అంచనాలు మాత్రమేనని, వాస్తవ వినియోగానికి, ఈ మొత్తాలకు ఎటువంటి సంబంధం లేదని సంస్థ స్పష్టం చేసింది. దీంతో వినియోగదారులు చెల్లించాల్సిన అసలు మొత్తంలో ఎటువంటి మార్పు ఉండదని తెలుస్తోంది.
ఈ సాంకేతిక లోపం వల్ల ఎవరి ఖాతాలైనా సస్పెండ్ అయ్యాయా లేదా తాత్కాలికంగా నిలిపివేసారా అనే అంశంపై Amazon ఎటువంటి ప్రకటన చేయలేదు. ఈ సమస్యను పరిష్కరించినట్లు సంస్థ తెలిపింది. అయితే, ఈ లోపం ఎందుకు తలెత్తిందనే దానిపై స్పష్టత లేదు.
