విక్టరీ వెంకటేష్, దర్శకుడు అనిల్ రావిపూడి కలయికలో తెరకెక్కుతున్న ‘వెంకీ అనిల్5’ సినిమా షూటింగ్ శరవేగంగా సాగుతోంది. ఈ చిత్రానికి సంబంధించిన మొదటి షెడ్యూల్ను విజయవంతంగా పూర్తి చేసినట్లు చిత్ర బృందం ప్రకటించింది. స్వింగ్ చేస్తూ బ్లాక్బస్టర్ స్టైల్లో ఈ షెడ్యూల్ను ముగించామని పేర్కొంటూ, సెట్స్లోని వినోదభరితమైన సన్నివేశాలను చూపిస్తూ ఒక వీడియోను విడుదల చేశారు.
ఈ సినిమాలో నందమూరి కళ్యాణ్ రామ్ మరో హీరోగా నటిస్తున్నారు. వెంకటేష్ సరసన కీర్తి సురేశ్, కళ్యాణ్ రామ్ సరసన కృతి శెట్టి హీరోయిన్స్గా నటిస్తున్నారు. గతంలో వెంకటేష్, అనిల్ రావిపూడి కాంబినేషన్లో వచ్చిన సినిమాలకు ఉన్న క్రేజ్ దృష్ట్యా, ఈ సినిమాపై ప్రేక్షకుల్లో భారీ అంచనాలు ఉన్నాయి.
ఈ చిత్రాన్ని ‘షైన్ స్క్రీన్స్’ బ్యానర్పై సాహు గారపాటి నిర్మిస్తున్నారు. ‘సురేష్ ప్రొడక్షన్స్’, ‘జీ స్టూడియోస్’ ఈ ప్రాజెక్టుకు సమర్పకులుగా వ్యవహరిస్తున్నాయి. వచ్చే ఏడాది సంక్రాంతి కానుకగా ఈ సినిమాను విడుదల చేయనున్నట్లు మేకర్స్ ఇప్పటికే అధికారికంగా ప్రకటించారు.
