టాలీవుడ్ దర్శకుడు వంశీ పైడిపల్లి దర్శకత్వంలో బాలీవుడ్ స్టార్ సల్మాన్ ఖాన్ నటిస్తున్న భారీ యాక్షన్ ఎంటర్టైనర్లో ప్రముఖ నటుడు జాకీ ష్రాఫ్ కీలక పాత్ర పోషిస్తున్నారు. ప్రస్తుతం ముంబైలో జరుగుతున్న షూటింగ్లో సల్మాన్ ఖాన్తో కలిసి ఆయన పాల్గొంటున్నారు. గతంలో వీరిద్దరి కాంబినేషన్లో పలు విజయవంతమైన చిత్రాలు వచ్చిన నేపథ్యంలో, ఈ సినిమాపై ప్రేక్షకుల్లో ఆసక్తి నెలకొంది.
అయితే, ఈ చిత్రంలో జాకీ ష్రాఫ్ విలన్ పాత్రను పోషిస్తున్నారనే ప్రచారంలో నిజం లేదని సమాచారం. కథను కీలక మలుపు తిప్పే ఒక బలమైన పాత్రలో ఆయన కనిపించనున్నారు. ఈ సినిమాలో కథానాయికగా నయనతార నటిస్తున్నారు.
సల్మాన్ ఖాన్ను ఢీకొట్టే విలన్ పాత్రల కోసం రాహుల్ దేవ్, అభిమన్యు సింగ్, అరవింద్ స్వామిలను మేకర్స్ ఎంపిక చేశారు. ఒకటి కంటే ఎక్కువ ప్రతికూల పాత్రలతో కథనం సాగనుందని తెలుస్తోంది.
ప్రస్తుతం ముంబైలో షూటింగ్ జరుపుకుంటున్న ఈ చిత్రం, తదుపరి షెడ్యూల్ కోసం ఈరోప్కు వెళ్లనుంది. 2027 ఈద్ కానుకగా ప్రపంచవ్యాప్తంగా ఈ సినిమాను విడుదల చేసేందుకు చిత్రబృందం ప్రణాళికలు సిద్ధం చేస్తోంది.
