కెనడాలోని టొరంటోలో హంబర్వుడ్ బులేవార్డ్ మరియు రెక్స్డేల్ బులేవార్డ్ కూడలి వద్ద భారత సంతతికి చెందిన 26 ఏళ్ల నవనీత్ కౌర్ కాల్పులకు గురై మృతి చెందింది. సమాచారం అందుకున్న పోలీసులు ఘటనాస్థలికి చేరుకుని ఆమెను కాపాడేందుకు ప్రయత్నించినప్పటికీ, అప్పటికే ఆమె మరణించినట్లు వైద్యులు నిర్ధారించారు.
పోలీసుల దర్యాప్తులో భాగంగా, కాల్పులకు ముందు బాధితురాలు మరియు నిందితుడు కొద్దిసేపు మాట్లాడుకున్నట్లు తేలింది. ఆ తర్వాత నిందితుడు ఆమెపై కాల్పులు జరిపి అక్కడి నుంచి పారిపోయాడు. నిందితుడిని బ్రాంప్టన్కు చెందిన 37 ఏళ్ల శరణ్జీత్ సింగ్గా పోలీసులు గుర్తించారు.
ఘటన జరిగిన కొద్దిసేపటికే అంటారియో ప్రావిన్షియల్ పోలీసులు శరణ్జీత్ సింగ్ను పట్టుకుని అరెస్టు చేశారు. నిందితుడిపై హత్య కేసుతో పాటు, చట్టపరమైన షరతులను ఉల్లంఘించినట్లు కూడా అభియోగాలు నమోదు చేశారు.
ప్రస్తుతం ఈ కేసును హత్యల దర్యాప్తు విభాగం విచారిస్తోంది. ఈ ఘటనలో ఇంకెవరూ పరారీలో లేరని టొరంటో పోలీసు సర్వీస్ స్పష్టం చేసింది.
