న్యూపోర్ట్లోని ఇంటర్నేషనల్ టెన్నిస్ హాల్ ఆఫ్ ఫేమ్ వేదికగా జరిగిన సెలబ్రిటీ ప్రో క్లాసిక్ ఎగ్జిబిషన్ మ్యాచ్లో రోజర్ ఫెదరర్ పాల్గొన్నారు. ఇది టెన్నిస్ క్రీడాకారుల ప్రతిభను ప్రదర్శించే ఒక ప్రత్యేక ప్రదర్శన మ్యాచ్. 2022లో ప్రొఫెషనల్ టెన్నిస్కు వీడ్కోలు పలికినప్పటికీ, ఫెదరర్ తన ఆటలోని టైమింగ్, క్రియేటివిటీ ఏమాత్రం తగ్గలేదని ఈ మ్యాచ్లో నిరూపించారు.
మ్యాచ్ జరుగుతుండగా బంతి వేగంగా దూసుకొచ్చిన సమయంలో, ఫెదరర్ తన రాకెట్ను శరీరం వెనుక నుంచి తిప్పి నెట్ అవతలికి పంపారు. ఈ బిహైండ్ ది బ్యాక్ ట్రిక్ షాట్ చూసి మైదానంలోని ప్రేక్షకులు, తోటి క్రీడాకారులు ఆశ్చర్యపోయారు. స్టేడియం మొత్తం ఈలలు, చప్పట్లతో మార్మోగిపోయింది.
ఈ స్టార్ స్టడెడ్ ఎగ్జిబిషన్ మ్యాచ్లో జాన్ మెకన్రో, స్టెఫాన్ ఎడ్బర్గ్, లైటన్ హెవిట్, మార్టినా నవరాతిలోవా, బ్రయాన్ బ్రదర్స్ వంటి దిగ్గజాలు పాల్గొన్నారు. తన కెరీర్లో 8 వింబుల్డన్ టైటిళ్లు గెలిచిన గ్రాస్ కోర్టుపై ఫెదరర్ మళ్లీ మెరవడం అభిమానులకు పాత జ్ఞాపకాలను గుర్తు చేసింది.
ప్రతిష్ఠాత్మక ఇంటర్నేషనల్ టెన్నిస్ హాల్ ఆఫ్ ఫేమ్లోకి అధికారికంగా ప్రవేశించడానికి ఒక్కరోజు ముందు ఫెదరర్ ఈ ప్రదర్శన ఇచ్చారు. టెన్నిస్ ఆటకు దూరమైనా, ఫెదరర్లోని క్రేజ్, గ్రేస్ ఏమాత్రం తగ్గలేదని ఈ షాట్ మరోసారి స్పష్టం చేసింది.
