తమిళనాడు సీఎం విజయ్, డీఎంకే నేత ఉదయనిధి స్టాలిన్ను ఉద్దేశించి చేసిన వ్యాఖ్యలకు ప్రతిస్పందనగా నైనార్ నాగేంద్రన్ ఈ వివాదాస్పద వ్యాఖ్యలు చేశారు. శాసనసభలో తండ్రి కోసం వెతకడం కంటే, ఇంట్లో ఉన్న తల్లిని అడిగితే తండ్రి ఎవరో తెలుస్తుందని ఆయన అన్నారు. ప్రస్తుత ప్రభుత్వ తీరు ఇలాగే ఉందని ఆయన విమర్శించారు.
ఈ వ్యాఖ్యలపై విజయ్ పార్టీ అయిన టీవీకే (తమిళగ వెట్రి కజగం) తీవ్రంగా స్పందించింది. పాఠశాల విద్యాశాఖ మంత్రి రాజ్మోహన్ మాట్లాడుతూ, రాజకీయ విమర్శలు చేయవచ్చు కానీ కుటుంబ సభ్యులను, ముఖ్యంగా తల్లిని అవమానించడం ఆమోదయోగ్యం కాదని అన్నారు. ఈ మాటలు వీధి నాయకుడి స్థాయిని ప్రతిబింబిస్తున్నాయని ఆయన విమర్శించారు.
మాజీ బీజేపీ తమిళనాడు అధ్యక్షుడు అన్నామలై కూడా ఈ వ్యాఖ్యలను ఖండించారు. రాజకీయాల్లో ఉండేవారు బాధ్యతాయుతంగా మాట్లాడాలని, ఇటువంటి వ్యాఖ్యలు మర్యాద హద్దులు దాటాయని ఆయన ఎక్స్ (X) వేదికగా పేర్కొన్నారు. 30-40 ఏళ్ల క్రితం నాటి పాత తరహా రాజకీయాలను, చీప్ పాలిటిక్స్ను తమిళ యువతకు నేర్పకూడదని ఆయన సూచించారు.
