రాజకీయాల్లో నిందించడం, మహిళలను, తల్లులను వివాదాల్లోకి లాగడం వంటి పాత పద్ధతులను కొందరు నాయకులు ఇంకా వాడుతున్నారని అన్నామలై ఆరోపించారు. ఓటర్లు కోరుకుంటున్న మార్పును వారు ఇంకా అర్థం చేసుకోవడం లేదని ఆయన వ్యాఖ్యానించారు. ఇటీవల ఉదయనిధి స్టాలిన్ చేసిన వ్యాఖ్యలు, సీఎం విజయ్ వ్యక్తిగత స్నేహాల గురించి ఆయన పరోక్షంగా ఈ విమర్శలు చేశారు.
అయితే, సీఎం విజయ్ ప్రభుత్వం చేపట్టిన వంద రోజుల పాలనను అన్నామలై స్వాగతించారు. రాష్ట్రంలో ఎవరైనా కొత్త రాజకీయ ప్రయాణం మొదలుపెడితే, వారిపై బీజేపీకి మద్దతు ఇచ్చే 'బీ టీమ్' (B-Team) అనే ముద్ర వేయడం, తప్పుడు ప్రచారాలు చేయడం దురదృష్టకరమని ఆయన పేర్కొన్నారు.
రాజకీయాల్లో ఇటువంటి పద్ధతులు మారాలని ఆయన అభిప్రాయపడ్డారు. ఓటర్ల ఆకాంక్షలకు అనుగుణంగా నాయకులు వ్యవహరించాల్సిన అవసరం ఉందని ఆయన స్పష్టం చేశారు.
