హర్యానా వేదికగా సెప్టెంబర్ 20 నుంచి 25 వరకు జరిగిన సీబీఎస్ఈ నేషనల్ టైక్వాండో ఛాంపియన్షిప్ 2026లో హైదరాబాద్కు చెందిన సమీక్షా సుందరవాదివేల్ స్వర్ణ పతకాన్ని సాధించింది. ఈ పోటీలను సెంట్రల్ బోర్డ్ ఆఫ్ సెకండరీ ఎడ్యుకేషన్ (CBSE) నిర్వహించింది.
హైదరాబాద్లోని శ్రీ రామ్ యూనివర్సల్ స్కూల్లో చదువుతున్న సమీక్షా, బాలికల అండర్-14, 38 కిలోల విభాగంలో తన సత్తా చాటింది. ఈ టోర్నమెంట్ అంతటా ఆమె అంకితభావం, క్రమశిక్షణ, ఆత్మవిశ్వాసం, క్రీడాస్ఫూర్తిని ప్రదర్శిస్తూ అందరినీ ఆకట్టుకుంది.
ఈ విజయం వెనుక ఎన్ఐఏ (NIA) కోచ్ సురేందర్ సింగ్ ఠాకూర్ శిక్షణ ఉంది. ఆయన పర్యవేక్షణలో సమీక్షా ఈ స్థాయి ప్రదర్శనను కనబరిచింది.
సమీక్షా సాధించిన ఈ ఘనతపై శ్రీ రామ్ యూనివర్సల్ స్కూల్ డైరెక్టర్, వ్యవస్థాపక ప్రిన్సిపాల్ డాక్టర్ జ్యోతి రెడ్డి హర్షం వ్యక్తం చేశారు. ఆమెను ప్రత్యేకంగా అభినందిస్తూ పాఠశాల యాజమాన్యం తన సంతోషాన్ని పంచుకుంది.
