కొత్తగా విడుదలైన Continental GT 650 మోడల్లో ప్రయాణ సమయంలో ఫోన్ ఛార్జ్ చేసుకోవడానికి USB Type-C ఫాస్ట్ ఛార్జింగ్ పోర్ట్ను కంపెనీ అందుబాటులోకి తెచ్చింది. అలాగే, బైక్ వెనుక భాగంలో కొత్త LED టెయిల్ లైట్లను అమర్చారు. బ్లాక్ థీమ్తో కూడిన ఇన్స్ట్రుమెంట్ కౌల్ (బైక్ వేగం, ఇతర వివరాలు చూపే మీటర్ చుట్టూ ఉండే కవచం) ఈ బైక్కు మరింత స్పోర్టీ లుక్ను ఇస్తుంది.
ఈ బైక్ ఇంజిన్ సామర్థ్యంలో ఎలాంటి పెద్ద మార్పులు చేయలేదు. ఇందులో గతంలో ఉన్న 648cc ప్యారలల్ ట్విన్-సిలిండర్ ఇంజిన్ కొనసాగుతుంది. ఇది 47 hp పవర్, 52.3 Nm టార్క్ను ఉత్పత్తి చేస్తుంది. 6-స్పీడ్ గేర్బాక్స్తో వచ్చే ఈ బైక్, హ్యారీస్ పెర్ఫార్మెన్స్ సహకారంతో తయారు చేసిన స్టీల్ ట్యూబులర్ క్రాడిల్ ఫ్రేమ్పై నిర్మితమైంది.
కొత్తగా వచ్చిన Apex Grey, Rocker Red వేరియంట్లలో బ్లాక్ ఇంజిన్, బ్లాక్ ఎగ్జాస్ట్, కాస్ట్ అల్లాయ్ వీల్స్ వంటి బ్లాక్-అవుట్ ట్రీట్మెంట్ ఇచ్చారు. వేరియంట్ను బట్టి ఈ బైక్ ధరలు రూ.3,58,427 నుంచి రూ.3,87,667 వరకు ఉన్నాయి. ఆగస్టు 14 నుంచి దేశవ్యాప్తంగా ఉన్న Royal Enfield షోరూమ్లలో ఈ కొత్త మోడల్ అమ్మకానికి అందుబాటులో ఉంటుంది.
