అంతరిక్షంలో భారీ అద్దాలను ప్రయోగించి, భూమిపైకి సూర్యకాంతిని ప్రసరింపజేయాలని Reflect Orbital అనే సంస్థ ప్రణాళికలు సిద్ధం చేస్తోంది. ఈ ఏడాది చివరలో ఈ ప్రాజెక్టును ప్రారంభించనున్నట్లు సంస్థ ప్రకటించింది.
ఈ ప్రయోగంలో భాగంగా మొదట 18 మీటర్ల పొడవు, 18 మీటర్ల వెడల్పు ఉన్న అద్దాలను అంతరిక్షంలోకి పంపనున్నారు. భవిష్యత్తులో ఇలాంటి 50,000 భారీ అద్దాలను అంతరిక్షంలో ఏర్పాటు చేయాలని సంస్థ లక్ష్యంగా పెట్టుకుంది.
ఈ అద్దాల ద్వారా భూమిపైకి వచ్చే సూర్యకాంతిని సౌర బ్యాటరీలను ఛార్జ్ చేయడానికి, విపత్తు సమయాల్లో సహాయం చేయడానికి, మరియు సైనిక కార్యకలాపాలకు ఉపయోగించుకోవచ్చని Reflect Orbital చెబుతోంది.
అయితే, ఈ అద్దాల వల్ల కలిగే కాంతి తీవ్రత సూర్యుని కాంతితో సమానంగా ఉంటుందని కొత్త అధ్యయనం హెచ్చరించింది. ఈ కాంతి దాదాపు 10,000 పూర్ణ చంద్రుల వెలుతురుతో సమానంగా ఉంటుందని, ఇది దాదాపు 10 కిలోమీటర్ల మేర వ్యాపిస్తుందని అధ్యయనం పేర్కొంది.
ఈ భారీ కాంతి ప్రసారాల వల్ల విమానయాన రంగానికి, జంతువుల జీవనానికి మరియు అంతరిక్ష పరిశీలనలకు ఆటంకాలు కలుగుతాయని నిపుణులు ఆందోళన వ్యక్తం చేస్తున్నారు. ఈ ప్రభావాల గురించి స్పష్టత లేకపోవడంతో భద్రతపై ప్రశ్నలు తలెత్తుతున్నాయి.
