రైల్వే రిక్రూట్మెంట్ బోర్డ్ (RRB) పారామెడికల్ విభాగాల్లోని 560 పోస్టుల భర్తీకి నోటిఫికేషన్ విడుదల చేసింది. నర్సింగ్ సూపరింటెండెంట్, డయాలసిస్ టెక్నీషియన్, ఫార్మాసిస్ట్, రేడియోగ్రాఫర్ వంటి పలు విభాగాల్లో ఈ ఖాళీలు ఉన్నాయి. అభ్యర్థులు ఈ పోస్టులకు సెప్టెంబర్ 15 నుంచి అక్టోబర్ 14 వరకు దరఖాస్తు చేసుకోవచ్చు.
ఈ ఉద్యోగాలకు దరఖాస్తు చేసుకునే వారు పోస్టును బట్టి సంబంధిత విభాగంలో బీఎస్సీతో పాటు పీజీ డిప్లొమా పూర్తి చేసి ఉండాలి. కొన్ని పోస్టులకు సైన్స్ సబ్జెక్టులతో 12వ తరగతి ఉత్తీర్ణతతో పాటు డిప్లొమా అవసరం. అభ్యర్థుల వయసు 18 నుంచి 40 ఏండ్ల మధ్య ఉండాలి.
దరఖాస్తు ఫీజు సాధారణ అభ్యర్థులకు రూ. 500గా నిర్ణయించారు. ఎస్సీ, ఎస్టీ, ఎక్స్-సర్వీస్మెన్, దివ్యాంగులు, మహిళలు, ట్రాన్స్జెండర్, మైనారిటీలు మరియు ఈబీసీ (ఆర్థికంగా వెనుకబడిన తరగతులు) అభ్యర్థులకు ఫీజు రూ. 250 మాత్రమే. దరఖాస్తు ప్రక్రియ పూర్తిగా ఆన్లైన్లోనే జరుగుతుంది.
ఎంపిక ప్రక్రియలో భాగంగా కంప్యూటర్ బేస్డ్ టెస్ట్ (CBT) నిర్వహిస్తారు. ఇది కంప్యూటర్ ద్వారా నిర్వహించే పరీక్ష. దీని తర్వాత డాక్యుమెంట్ వెరిఫికేషన్, మెడికల్ ఎగ్జామినేషన్ ఉంటాయి. 90 నిమిషాల పాటు జరిగే ఈ పరీక్షలో 100 మార్కులకు ప్రశ్నలు ఉంటాయి. ప్రతి తప్పు సమాధానానికి 1/3 వంతు మార్కులు కోత విధిస్తారు.
పరీక్షలో ప్రొఫెషనల్ ఎబిలిటీ, జనరల్ అవేర్నెస్, జనరల్ అరిథ్మెటిక్, జనరల్ ఇంటెలిజెన్స్, రీజనింగ్ మరియు జనరల్ సైన్స్ అంశాల నుంచి ప్రశ్నలు వస్తాయి. ఎంపికైన అభ్యర్థులకు నెలకు రూ. 21,700 నుంచి రూ. 44,900 వరకు జీతం లభిస్తుంది. మరిన్ని వివరాల కోసం అభ్యర్థులు https://indianrailways.gov.in/ వెబ్సైట్ను చూడవచ్చు.
