స్కూళ్లు తెరవకముందే వచ్చే ఏడాది సిలబస్ పూర్తి చేయాలని, భాషలు, గణితం వంటి సబ్జెక్టులు నేర్చుకోవాలని పిల్లలపై తల్లిదండ్రులు ఒత్తిడి పెంచుతున్నారు. ఈ ధోరణిని సోషల్ మీడియాలో 'ప్రీ-మేడ్ చిల్డ్రన్' అని పిలుస్తున్నారు. ఫ్యాక్టరీలో ముందుగానే తయారు చేసి, అవసరమైనప్పుడు వేడి చేసుకునే 'ప్రీ-మేడ్ మీల్స్' (ముందుగా తయారు చేసిన ఆహారం)తో పోలుస్తూ ఈ పేరు పెట్టారు.
చైనాలో ప్రాచుర్యంలో ఉన్న 'చికెన్ బ్లడ్ పేరెంటింగ్' అనే సంస్కృతితో కూడా ఈ పరిస్థితిని పోలుస్తున్నారు. పిల్లలు పోటీలో వెనుకబడకూడదనే ఉద్దేశంతో తల్లిదండ్రులు వారిపై చదువు, శిక్షణ విషయంలో తీవ్ర ఒత్తిడి చేయడం దీని ఉద్దేశ్యం. మన దేశంలో కూడా వేసవి సెలవుల్లో పిల్లలకు విశ్రాంతి ఇవ్వకుండా ఆన్లైన్ క్లాసులు, బట్టీ పట్టించే పద్ధతులకు పంపడం కనిపిస్తోంది.
పిల్లలను చిన్న వయసులోనే భవిష్యత్తు కోసం సిద్ధం చేయడం మంచిదేనని కొందరు భావిస్తున్నా, ఈ విధానంపై భిన్నాభిప్రాయాలు వ్యక్తమవుతున్నాయి. చదువుతో పాటు ఆటలు, విశ్రాంతి, స్నేహాలు, స్వేచ్ఛ కూడా బాల్యంలో ముఖ్యమని నిపుణులు చెబుతున్నారు. ఈ నేపథ్యంలో, పిల్లలపై పెరుగుతున్న విద్యా ఒత్తిడిపై ఇప్పుడు పెద్ద ఎత్తున చర్చ జరుగుతోంది.
