2027 వన్డే ప్రపంచకప్ను దృష్టిలో ఉంచుకుని పాకిస్థాన్ క్రికెట్ బోర్డు (PCB) 'నేషనల్ ఛాంపియన్స్ కప్ 2026' పేరుతో కొత్త టోర్నీని ప్రకటించింది. వైట్ బాల్ క్రికెట్లో యువ మరియు అనుభవజ్ఞులైన ఆటగాళ్లకు మెరుగైన అవకాశాలు కల్పించడమే లక్ష్యంగా ఈ లీగ్ను రూపొందించారు.
ఈ టోర్నీ ఆగస్టు 11 నుంచి ఆగస్టు 18 వరకు వారం రోజుల పాటు ముల్తాన్ క్రికెట్ స్టేడియంలో జరగనుంది. మొత్తం నాలుగు జట్లు పాల్గొనే ఈ లీగ్ను రౌండ్-రాబిన్ పద్ధతిలో నిర్వహిస్తారు. ప్రతి జట్టు మిగిలిన జట్లతో ఒక్కోసారి తలపడుతుంది.
షాహీన్ షా అఫ్రిది, షాదాబ్ ఖాన్, సైమ్ అయూబ్, సాహిబ్జాదా ఫర్హాన్ ఈ నాలుగు జట్లకు కెప్టెన్లుగా వ్యవహరిస్తారు. పాకిస్థాన్ గ్రీన్, పాకిస్థాన్ వైట్స్, పాకిస్థాన్ బ్లూస్, పాకిస్థాన్ గోల్డ్ అనే నాలుగు జట్లలోని ఆటగాళ్ల జాబితాను కూడా పీసీబీ సోమవారం విడుదల చేసింది.
లీగ్ దశ ముగిసే సమయానికి పాయింట్ల పట్టికలో మొదటి రెండు స్థానాల్లో నిలిచిన జట్లు ఆగస్టు 18న జరిగే గ్రాండ్ ఫైనల్లో తలపడనున్నాయి. ఈ లిస్ట్-ఏ టోర్నమెంట్ ద్వారా ప్రపంచకప్ కోసం బలమైన జట్టును ఎంపిక చేసే ప్రక్రియను పీసీబీ వేగవంతం చేసింది.
