నాగార్జున సాగర్లోని విజయ విహార్ ప్రాంగణంలో నిర్వహించనున్న మహా వరుణ యాగం ఏర్పాట్లపై నల్గొండ జిల్లా కలెక్టర్ బి. చంద్రశేఖర్ క్షేత్రస్థాయిలో సమీక్ష నిర్వహించారు. ఈ కార్యక్రమానికి వచ్చే భక్తులు, అతిథుల కోసం చేపట్టాల్సిన పనులపై ఆయన అధికారులకు పలు సూచనలు చేశారు.
యాగశాల నిర్మాణంతో పాటు, భక్తుల కోసం బారికేడ్లు, పాగోడాలు, టెంట్లు ఏర్పాటు చేయాలని కలెక్టర్ ఆదేశించారు. కార్యక్రమాన్ని అందరూ వీక్షించేలా ఎల్ఈడీ స్క్రీన్లు, పబ్లిక్ అడ్రెస్ సిస్టమ్లను అందుబాటులో ఉంచాలని ఆయన సూచించారు. రిత్వికులు, పురోహితులకు ఎటువంటి ఇబ్బందులు కలగకుండా అవసరమైన అన్ని సౌకర్యాలను కల్పించాలని అధికారులను ఆదేశించారు.
ఈ ప్రాంగణంలో పారిశుద్ధ్య నిర్వహణపై ప్రత్యేక దృష్టి సారించాలని మునిసిపల్ కమీషనర్ కోటేశ్వరరావును కలెక్టర్ ఆదేశించారు. యాగం జరిగే ప్రాంతం అంతటా శుభ్రతను కాపాడాలని ఆయన స్పష్టం చేశారు. ఈ ఏర్పాట్లన్నీ సకాలంలో పూర్తి చేయాలని సంబంధిత అధికారులకు సూచించారు.
