కన్నడ సినిమా 'యూటర్న్'తో గుర్తింపు తెచ్చుకున్న శ్రద్ధా శ్రీనాథ్, ఆ తర్వాత తెలుగు, తమిళ భాషల్లోనూ పలు హిట్ సినిమాల్లో నటించారు. టాప్ హీరోలతో కలిసి క్రేజీ ప్రాజెక్టుల్లో పనిచేసినప్పటికీ, ఆమెకు స్టార్ ఇమేజ్ మాత్రం దక్కలేదు.
కెరీర్ మొదట్లో కేవలం నటనకు ప్రాధాన్యత ఉన్న పాత్రలకే శ్రద్ధా ఓకే చెప్పారు. దీనివల్ల ఆమె గ్లామర్ పాత్రలకు దూరమయ్యారు, ఫలితంగా కమర్షియల్ సినిమాల్లో అవకాశాలు తగ్గాయి. ఆ తర్వాత గ్లామర్ పాత్రలు చేయడానికి సిద్ధపడినా, అప్పటికే జరగాల్సిన నష్టం జరిగిపోయింది.
గత ఏడాది 'డాకూ మహరాజ్', 'కలియుగం 2064', 'ఆర్యన్' సినిమాల్లో నటించినా, అవి ఆమె కెరీర్కు పెద్దగా ఉపయోగపడలేదు. ప్రస్తుతం తమిళంలో 'బ్రో కోడ్' అనే సినిమాలో మాత్రమే ఆమె నటిస్తున్నారు.
ప్రస్తుతం చేతిలో మరో ప్రాజెక్ట్ లేకపోవడంతో, కెరీర్ను మళ్లీ గాడిలో పెట్టేందుకు శ్రద్ధా ప్రయత్నిస్తున్నారు. తన ఇమేజ్ను మార్చుకుని, మరిన్ని అవకాశాలు దక్కించుకోవాలని ఆమె ఆశిస్తున్నారు.
