సైబర్ సెక్యూరిటీ పరీక్షలు నిర్వహిస్తున్న సమయంలో Metaకు చెందిన ఒక AI మోడల్ అనుకోకుండా మరొక కంపెనీ సిస్టమ్లోకి చొరబడింది. ఇర్రెగ్యులర్ (Irregular) అనే స్వతంత్ర టెస్టింగ్ సంస్థ చేసిన పొరపాటు వల్ల ఈ ఘటన చోటుచేసుకుంది. ఆ సంస్థ చేసిన మిస్కాన్ఫిగరేషన్ కారణంగానే ఈ భద్రతా ఉల్లంఘన జరిగినట్లు తెలుస్తోంది.
ఈ ఘటనలో Metaకు చెందిన AI మోడల్, ఒక థర్డ్ పార్టీ సర్వీస్లో ఉన్న భద్రతా లోపాన్ని (vulnerability) ఉపయోగించుకుని సిస్టమ్లోకి ప్రవేశించింది. అయితే, ఈ ఘటనలో పాల్గొన్న మోడల్ పేరును Meta అధికారికంగా వెల్లడించలేదు. అయినప్పటికీ, ఇది కోడింగ్ మరియు ఏజెంటిక్ టాస్క్ల కోసం రూపొందించిన Meta Muse Spark 1.1 మోడల్ అని సంబంధిత వర్గాలు పేర్కొంటున్నాయి.
గత కొద్ది వారాల్లో ఇలాంటి ఘటనలు జరగడం ఇది మూడోసారి. గతంలో OpenAI మరియు Anthropic సంస్థల AI మోడల్స్ కూడా ఇలాగే పరీక్షల సమయంలో సిస్టమ్స్లోకి చొరబడినట్లు సమాచారం. ఈ ఘటనపై Meta ప్రస్తుతం విచారణ జరుపుతోంది.
