డ్రగ్స్ వినియోగం ద్వారా హానికరమైన శక్తులు దేశ యువతను దోపిడీ చేస్తున్నాయని ప్రధాని నరేంద్ర మోడీ హెచ్చరించారు. ఈ వ్యసనం వల్ల దేశం తీవ్రంగా దెబ్బతింటోందని, దీనిని అరికట్టాల్సిన బాధ్యత అందరిపై ఉందని ఆయన పేర్కొన్నారు.
యువతను డ్రగ్స్ బారి నుంచి కాపాడాలని ప్రజలకు ప్రధాని పిలుపునిచ్చారు. ఈ లక్ష్యంతో 100 వారాల పాటు ప్రత్యేక ఉద్యమాన్ని నిర్వహించాలని ఆయన సూచించారు. విద్యాసంస్థల్లో పెద్ద ఎత్తున ర్యాలీలు నిర్వహించడం ద్వారా దీనిపై అవగాహన కల్పించాలని కోరారు.
ప్రతి ఆదివారం క్రీడలు, ధ్యానం, సాంస్కృతిక కార్యక్రమాల ద్వారా డ్రగ్స్ నిర్మూలనపై అవగాహన కల్పించే కార్యక్రమాలను చేపట్టనున్నారు. ఈ ఉద్యమం ద్వారా సమాజంలో మార్పు తీసుకురావాలని ప్రధాని ఆకాంక్షించారు.
