ఢిల్లీలోని జంతర్ మంతర్ నుండి పార్లమెంట్ వరకు సోమవారం కాక్రోచ్ జనతా పార్టీ (CJP) కార్యకర్తలు నిర్వహించిన ర్యాలీ ఉద్రిక్తతకు దారితీసింది. ఈ నిరసనలో సుమారు పదివేల మంది పాల్గొన్నట్లు పోలీసులు అంచనా వేస్తున్నారు. శాంతి భద్రతల పరిరక్షణ కోసం పోలీసులు అక్కడ మూడు వేల మంది సిబ్బందిని మోహరించారు.
ఈ నిరసన ప్రదర్శనలో జరిగిన ఘర్షణల వల్ల 130 మంది పోలీసులు, 65 మంది విద్యార్థులు గాయపడ్డారు. ఈ ఘటనకు సంబంధించి పార్లమెంట్ స్ట్రీట్ మరియు కన్నాట్ ప్లేస్ పోలీసు స్టేషన్లలో సుమారు 15 ఎఫ్ఐఆర్ (FIR)లు నమోదయ్యాయి. వీటిలో బీఎన్ఎస్ (BNS) సెక్షన్లు 223(బీ), 221, 132 కింద కేసులు నమోదు చేసినట్లు అధికారులు వెల్లడించారు.
ధర్నా ప్రదేశంలో సంఘ విద్రోహ శక్తులు ఉన్నట్లు గుర్తించిన పోలీసులు, వారిని పట్టుకునేందుకు ఫేషియల్ రికగ్నిషన్ సిస్టమ్ను ఉపయోగిస్తున్నారు. ఈ సాంకేతికత ద్వారా క్రిమినల్ రికార్డులు కలిగిన సుమారు రెండు వేల మందిని ఇప్పటికే గుర్తించినట్లు పోలీసు వర్గాలు తెలిపాయి.
