బాలీవుడ్లో ప్రారంభించిన జాన్వీ కపూర్ ఇప్పుడు దక్షిణాది సినిమా పరిశ్రమలో తన స్థానాన్ని బలపరచుకుంటున్నారు. తెలుగులో 'దేవర', 'పెద్ది' సినిమాల ద్వారా ప్రేక్షకులను ఆకర్షించిన ఆమె, తమిళంలో వెబ్ సిరీస్తో కొత్త ప్రయోగం చేస్తున్నట్లు తెలిసింది.
ఈసారి సినిమా కాదు. 'నీలం ప్రొడక్షన్స్' నిర్మిస్తున్న 'కురత్తి' వెబ్ సిరీస్తో కోలీవుడ్ డిజిటల్ ప్రపంచంలోకి అడుగుపెట్టనున్నారు. తమిళ దర్శకుడు సర్గణమ్ దర్శకత్వం వహిస్తున్న ఈ ప్రాజెక్ట్లో కథ జాన్వీకి నచ్చడంతో వెంటనే ఆమోదం తెలిపారని సినిమా వర్గాల్లో వార్తలు.
ఓటీటీలో కంటెంట్ ప్రాధాన్యత పెరిగిన ఈ పరిస్థితిలో, 'కురత్తి' వెబ్ సిరీస్ ద్వారా జాన్వీ కపూర్ దక్షిణాది మొత్తం మార్కెట్లో తన ప్రభావాన్ని పెంచుకోవచ్చని విశ్లేషకులు అంచనా వేస్తున్నారు. అధికారిక ప్రకటన త్వరలోనే వస్తుందని, ఈ ప్రాజెక్ట్ ఆమె కెరీర్లో మలుపు తిప్పుతుందని సినీ అభిమానులు ఆసక్తిగా ఎదురుచూస్తున్నారు.
