బిగ్ బాస్ హౌస్ నుంచి బయటకు పంపే ప్రక్రియను ఎలిమినేషన్ అంటారు. మొదటి వారంలో ఇద్దరు కంటెస్టెంట్స్ ఓటింగ్తో సంబంధం లేకుండా బయటకు వెళ్లడంపై ప్రేక్షకులు భిన్నాభిప్రాయాలు వ్యక్తం చేస్తున్నారు. ఈ విషయంలో బిగ్ బాస్ టీమ్ పద్ధతులపై కొందరు విమర్శలు చేస్తున్నారు.
రెండో వారంలో మొత్తం 11 మంది కంటెస్టెంట్స్ ఎలిమినేషన్ నామినేషన్లలో ఉన్నారు. వీరిలో షాలినీ పటేల్, త్రిగుణ్, ఝాన్సీ, దేబ్జానీ, రాంప్రసాద్, ముఖేష్, కృష్ణుడు, సుధీర్, సృష్టి, వర్షిణి, రోహిత్ ఉన్నారు. అమన్, వంశీ, నరేష్లు ఈ వారం నామినేషన్ల నుంచి తప్పించుకున్నారు.
ప్రస్తుత ఓటింగ్ ట్రెండ్స్ పరిశీలిస్తే త్రిగుణ్ మొదటి స్థానంలో కొనసాగుతున్నాడు. మొదటి వారంలో టాప్లో ఉన్న రోహిత్ను త్రిగుణ్ వెనక్కి నెట్టాడు. వీరిద్దరి మధ్య ఓటింగ్ శాతం తేడా కేవలం 1 శాతం మాత్రమే ఉంది, కాబట్టి రోహిత్ ఓట్లు పెరిగితే మళ్లీ మొదటి స్థానానికి వచ్చే అవకాశం ఉంది.
సీరియల్ నటుడు ముఖేష్ మూడో స్థానంలో ఉండగా, జబర్దస్త్ కమెడియన్ ఆటో రాంప్రసాద్ నాలుగో స్థానంలో ఉన్నాడు. ఐదో స్థానంలో సుధీర్, ఆరో స్థానంలో షాలినీ, ఏడో స్థానంలో దేబ్జానీ ఉన్నారు. ఆ తర్వాత స్థానాల్లో సృష్టి, ఝాన్సీ, వర్షిణి, కృష్ణుడు కొనసాగుతున్నారు.
ప్రస్తుతానికి వర్షిణి, కృష్ణుడు డేంజర్ జోన్లో ఉన్నారని చెప్పవచ్చు. వీరిద్దరి మధ్య ఓటింగ్ శాతం తేడా చాలా తక్కువగా ఉంది. ఓటింగ్ ముగియడానికి ఇంకా సమయం ఉన్నందున ఈ ట్రెండ్స్ ఎప్పుడైనా మారవచ్చు.
ఒకవేళ ఇదే ఓటింగ్ సరళి కొనసాగితే వర్షిణి లేదా కృష్ణుడు హౌస్ నుంచి బయటకు వెళ్లాల్సి ఉంటుంది. ప్రస్తుత అంచనాల ప్రకారం కృష్ణుడు పూర్తిగా డేంజర్ జోన్లో ఉన్నాడని, ఈ వారం అతను ఎలిమినేట్ అయ్యే అవకాశాలు ఎక్కువగా ఉన్నాయని తెలుస్తోంది.
