కర్ణాటకలో కాంగ్రెస్ ప్రభుత్వం ప్రజలపై అదనపు పన్ను భారాన్ని మోపుతోంది. ఐదు నగర కార్పొరేషన్లతో కూడిన గ్రేటర్ బెంగళూరు అథారిటీ (GBA) — అంటే బెంగళూరు నగర పాలనను పర్యవేక్షించే సంస్థ — ఇళ్ల యజమానుల నుంచి కొత్తగా సాఫ్ట్వేర్ చార్జీ వసూలు చేయడం మొదలుపెట్టింది.
ఇకపై ఇళ్ల యజమానులు ఆస్తిపన్నుతో పాటు అదనంగా రూ. 200 సాఫ్ట్వేర్ చార్జీ చెల్లించాల్సి ఉంటుంది. వాణిజ్య భవనాల యజమానులపై ఈ చార్జీ రూ. 1000 వరకు ఉండవచ్చని సమాచారం అందుతోంది.
ఈ కొత్త పన్నును ప్రభుత్వం ఎటువంటి అధికారిక ప్రకటన చేయకుండానే, ఆర్థిక సంవత్సరం మధ్యలో నిశ్శబ్దంగా అమలు చేస్తోంది. దీనిపై స్థానికంగా తీవ్ర ఆగ్రహం వ్యక్తమవుతోంది.
ఈ చర్యను విపక్ష పార్టీలైన బీజేపీ, జేడీ(ఎస్) తీవ్రంగా తప్పుబట్టాయి. ఇది పట్టపగలు జరుగుతున్న దోపిడీ అని ఆ పార్టీ నేతలు విమర్శించారు.
ప్రభుత్వం తీసుకున్న ఈ నిర్ణయంపై ప్రజల నుంచి వస్తున్న వ్యతిరేకత నేపథ్యంలో, రాబోయే రోజుల్లో ఈ చార్జీల వసూలు ప్రక్రియపై ఎలాంటి పరిణామాలు చోటుచేసుకుంటాయో చూడాలి.
