గ్లోబల్ స్టార్గా గుర్తింపు పొందిన ప్రియాంక చోప్రా, తాను బాలీవుడ్ వదిలి హాలీవుడ్ వైపు వెళ్లడానికి గల కారణాలను ఒక పాడ్కాస్ట్లో వివరించారు. పరిశ్రమలో కొందరు వ్యక్తులు చెప్పినట్లుగా నడుచుకోకపోవడం, వారికి అనుగుణంగా మారకపోవడం వల్ల తనకు రావాల్సిన సినిమా అవకాశాలు చేజారిపోయాయని ఆమె ఆరోపించారు. ఇతరుల మాదిరిగా రాజీ పడకుండా, తన ఆత్మగౌరవానికే ప్రాధాన్యం ఇచ్చానని ఆమె స్పష్టం చేశారు.
కొంతమంది అగ్ర హీరోలు ఉద్దేశపూర్వకంగానే తనను సినిమాల నుంచి తప్పించారని ప్రియాంక గుర్తు చేసుకున్నారు. 2007లో ‘సలామ్-ఎ-ఇష్క్’ సినిమా షూటింగ్ సమయంలో జరిగిన ఒక సంఘటనను ఆమె ఉదహరించారు. ఆ సమయంలో షూటింగ్ సెట్కు వచ్చిన ఒక హీరో, ఆ పాత్ర వాస్తవానికి మరో హీరోయిన్ కోసం అనుకున్నారని, పొరపాటున తనకు వచ్చిందని చెప్పి ఆశ్చర్యపరిచారని ఆమె తెలిపారు.
ఇలాంటి చేదు అనుభవాలు పలుమార్లు ఎదురవ్వడంతో, తన కెరీర్పై మరింత దృష్టి పెట్టాలని నిర్ణయించుకున్నట్లు ప్రియాంక చెప్పారు. తన నటన, కష్టమే తనను ముందుకు నడిపాయని ఆమె పేర్కొన్నారు. ప్రస్తుతం ఆమె చేసిన ఈ వ్యాఖ్యలు సోషల్ మీడియాలో చర్చనీయాంశంగా మారాయి.
