అమెరికాలోని ఒక సూపర్ మార్కెట్లో 114 గ్రాముల బరువున్న పచ్చిమిర్చి ప్యాకెట్ ధర రూ. 400గా ఉంది. ఈ ప్యాకెట్లో కేవలం 12 నుంచి 13 మిరపకాయలు మాత్రమే ఉన్నాయి. ఈ లెక్కన చూస్తే అక్కడ కిలో పచ్చిమిర్చి ధర సుమారు రూ. 3,500 వరకు ఉంటోంది.
భారతదేశంలో రూ. 20కే వారానికి సరిపడా మిరపకాయలు లభిస్తాయి. కొన్నిసార్లు కూరగాయలతో పాటు వీటిని ఉచితంగా కూడా ఇస్తుంటారు. కానీ అమెరికాలో మాత్రం గుప్పెడు మిరపకాయల కోసం భారీగా ఖర్చు చేయాల్సి వస్తోంది.
అమెరికాలో ఈ ధరలు ఎక్కువగా ఉండటానికి దిగుమతి ఖర్చులు ప్రధాన కారణం. స్థానిక రకం మిరపకాయలు అక్కడ పండవు కాబట్టి, వీటిని మెక్సికో లేదా ఆసియా దేశాల నుంచి దిగుమతి చేసుకుంటారు. రవాణా, కోల్డ్ స్టోరేజ్, ప్యాకేజింగ్ మరియు కార్మిక వ్యయాలు పెరగడం వల్ల ధరలు పెరుగుతున్నాయి.
అమెరికాలోని జీవన వ్యయం, ప్రజల ఆదాయం మన దేశంతో పోలిస్తే ఎక్కువగా ఉంటాయి. డాలర్లలో ఉన్న ధరను రూపాయల్లోకి మార్చి చూసినప్పుడు అది భారతీయులకు చాలా ఖరీదైనదిగా కనిపిస్తుంది. విదేశాలకు వెళ్ళాక మన దేశంలోని స్థానిక మార్కెట్ల విలువ, తక్కువ ధరల ప్రాముఖ్యత అర్థమవుతుందని ఎన్నారైలు అభిప్రాయపడుతున్నారు.
