జింబాబ్వే పర్యటనలో తీవ్రంగా నిరాశపరిచిన అభిషేక్ శర్మ, పంజాబ్ స్టేట్ ఇంటర్ డిస్ట్రిక్ట్ వన్డే టోర్నీలో మళ్లీ ఫామ్లోకి వచ్చాడు. అమృత్సర్లోని గాంధీ మైదానంలో తరణ్ తరణ్ జట్టుపై ఓపెనర్గా బరిలోకి దిగిన అభిషేక్, ప్రత్యర్థి బౌలర్లను ఉతికి ఆరేస్తూ 91 బంతుల్లోనే 233 పరుగులు బాదాడు. ఇందులో 15 ఫోర్లు, 25 సిక్సర్లు ఉన్నాయి.
ఈ మ్యాచ్లో అభిషేక్ శర్మ, సహచర ఓపెనర్ అభయ్ చౌదరితో కలిసి మొదటి వికెట్కు కేవలం 24.4 ఓవర్లలోనే 305 పరుగుల భాగస్వామ్యాన్ని నెలకొల్పాడు. అభిషేక్ విధ్వంసకర బ్యాటింగ్తో అమృత్సర్ జట్టు నిర్ణీత 50 ఓవర్లలో 533 పరుగుల భారీ స్కోరును నమోదు చేసింది. ఇటీవల జింబాబ్వే పర్యటనలో 3 ఇన్నింగ్స్లలో కేవలం 11 పరుగులు మాత్రమే చేసి విమర్శలు ఎదుర్కొన్న అభిషేక్కు, ఈ ఇన్నింగ్స్ గొప్ప ఉపశమనాన్ని ఇచ్చింది.
రాబోయే 2026 ఏషియన్ గేమ్స్ కోసం భారత జట్టులో స్థానం దక్కించుకున్న అభిషేక్కు ఈ డబుల్ సెంచరీ ఆత్మవిశ్వాసాన్ని పెంచుతుంది. అయితే, భారత జట్టులో ఓపెనింగ్ స్థానం కోసం వైభవ్ సూర్యవంశీ, ఇషాన్ కిషన్, ప్రభ్సిమ్రన్ సింగ్, సంజూ శామ్సన్ వంటి ఆటగాళ్ల నుంచి తీవ్ర పోటీ ఉంది. జపాన్ వేదికగా జరగనున్న ఏషియన్ గేమ్స్లో అభిషేక్ శర్మ రాణించాల్సిన అవసరం ఉంది, లేని పక్షంలో జట్టులో తన స్థానాన్ని కాపాడుకోవడం అతడికి కష్టంగా మారనుంది.
