బషీరాబాద్లోని జీవన్గి ప్రాథమిక పాఠశాలలో విద్యార్థులకు మాడు అన్నం వడ్డించారంటూ బుధవారం పత్రికల్లో వచ్చిన కథనాలపై జిల్లా విద్యాధికారి అబ్దుల్ఘనీ తీవ్రంగా స్పందించారు. దీంతో మండల విద్యాధికారి (ఎంఈవో) దుస్సా రాములు పాఠశాలకు వెళ్లి, ప్రధానోపాధ్యాయుడు శంకరయ్యకు విచారణ మెమోను అందించి, నాలుగు గంటలపాటు లోతుగా విచారణ సాగించారు.
విచారణలో భాగంగా విద్యార్థులను ప్రశ్నించగా, కొందరు వద్దన్నా అలాగే వడ్డించారని, మరికొందరు ఇష్టంతోనే తీసుకున్నారని తెలిపినట్లు ఎంఈవో పేర్కొన్నారు. మధ్యాహ్న భోజన నిర్వాహకులను నిలదీసిన అధికారి, చిన్నపిల్లల ఆరోగ్యంతో ఆటలాడుతూ మాడిన అన్నం ఎలా వడ్డిస్తారని ఆగ్రహం వ్యక్తం చేశారు. ఉపాధ్యాయులు తప్పుడు సమాచారం ఇచ్చారని, ఫొటోలు తీయొద్దన్న విషయంపై వారు మాట్లాడలేదని విచారణలో తేలింది.
పుట్టిన రోజు వేడుకలపై ఉపాధ్యాయులు మాట్లాడుతూ, ప్రధానోపాధ్యాయుడు శంకరయ్యతో పాటు విద్యార్థి అక్షర పుట్టిన రోజు కూడా ఉండటంతో వేడుకలు నిర్వహించినట్లు చెప్పారు. అయితే కేక్ను ప్రధానోపాధ్యాయుడి కోసమే అదే పాఠశాలలో పనిచేసే మరో ఉపాధ్యాయుడు తెప్పించినట్లు కొందరు ఉపాధ్యాయులు వెల్లడించారు. ఈ విషయమై జిల్లా విద్యాధికారి ఫోన్లో ప్రధానోపాధ్యాయుడిపై ఆగ్రహం వ్యక్తం చేసినట్లు సమాచారం.
మీడియాలో వార్త రావడంతో అధికారులు స్పందించారని, ఇకనైనా పిల్లలకు మంచి భోజనం పెడతారని తల్లిదండ్రులు హర్షం వ్యక్తం చేశారు. విద్యార్థులకు నాణ్యమైన భోజనం అందించడం, ఉపాధ్యాయులు సమయానికి పాఠశాలకు రావడంపై కూడా వారు సంతృప్తి చెందారు. ఎంఈవో సమర్పించే నివేదిక ఆధారంగా తదుపరి చర్యలు ఉంటాయని విద్యాశాఖ వర్గాలు తెలిపాయి.
