అమెరికాలో తన డెలివరీ నెట్వర్క్ను ఆధునీకరించేందుకు మరియు నిర్వహణ ఖర్చులను తగ్గించుకునేందుకు ఫెడెక్స్ కీలక నిర్ణయం తీసుకుంది. ఇందులో భాగంగా దేశవ్యాప్తంగా ఉన్న 475 కార్యాలయాలను కంపెనీ మూసివేస్తోంది. ఈ ప్రక్రియలో భాగంగా 3,152 మంది ఉద్యోగులను కంపెనీ తొలగించింది.
ఈ కార్యాలయాల మూసివేతకు ప్రధాన కారణం ఫెడెక్స్ గ్రౌండ్ మరియు ఎక్స్ప్రెస్ విభాగాల వాహన నెట్వర్క్లను ఏకీకృతం చేయడమే. ఈ రెండు విభాగాల కార్యకలాపాలను ఒకే గొడుగు కిందకు తీసుకురావడం ద్వారా సామర్థ్యాన్ని పెంచుకోవాలని కంపెనీ లక్ష్యంగా పెట్టుకుంది.
ఈ మొత్తం పునర్వ్యవస్థీకరణ ప్రక్రియ పూర్తయ్యేందుకు 2027 సంవత్సరం చివరి వరకు సమయం పడుతుందని ఫెడెక్స్ వెల్లడించింది.
