8849 ట్యాంక్ 5 స్మార్ట్ఫోన్ ఇప్పుడు గ్లోబల్ మార్కెట్లో ₹84,791 ధరతో అమ్మకానికి వచ్చింది. ఈ ఫోన్ ప్రత్యేకత ఏమిటంటే, దానిలో అంతర్నిర్మితంగా ఉన్న 2K ప్రొజెక్టర్. ఇది 220 ల్యూమెన్స్ బ్రైట్నెస్తో పగలు, రాత్రి రెండు సమయాల్లోనూ గోడపై స్పష్టమైన సినిమా చిత్రాలను ప్రొజెక్ట్ చేస్తుంది.
ఈ స్మార్ట్ఫోన్లో ఆటోఫోకస్, కీస్టోన్ కరెక్షన్ వంటి ఫీచర్లు ఉండటం వల్ల ప్రొజెక్ట్ చేసిన చిత్రాలు ఎక్కడా వంకర లేకుండా పక్కాగా కనిపిస్తాయి. హై-బ్రైట్నెస్ మోడ్లో 5 గంటల పాటు, నైట్ మోడ్లో 6 గంటల పాటు సినిమాలు చూడవచ్చు. 97dB స్మార్ట్ స్పీకర్లు థియేటర్ లాంటి ఆడియో అనుభవాన్ని అందిస్తాయి.
17,600mAh సామర్థ్యం గల ఈ ఫోన్ బ్యాటరీని 120W ఫాస్ట్ ఛార్జింగ్తో కేవలం 90 నిమిషాల్లో పూర్తిగా ఛార్జ్ చేయవచ్చు. మీడియాటెక్ డైమెన్సిటీ 9400e ప్రాసెసర్, 36GB వరకు రామ్ (18GB ఫిజికల్ + 18GB వర్చువల్), 512GB స్టోరేజ్తో ఇది అత్యంత వేగంగా పనిచేస్తుంది. దీని మెమొరీని 2TB వరకు పెంచుకోవచ్చు.
ఈ ఫోన్ 6.73-అంగుళాల 3K అమోలెడ్ డిస్ప్లే ఎండలో కూడా స్పష్టంగా కనిపిస్తుంది. 120Hz రిఫ్రెష్ రేట్, 3000 నిట్స్ పీక్ బ్రైట్నెస్తో ఇది స్క్రీన్ను మరింత ఆకర్షణీయంగా చేస్తుంది. కెమెరా విభాగంలో 50MP ప్రైమరీ, టెలిఫోటో, నైట్ విజన్ కెమెరాలు ఉన్నాయి. సెల్ఫీల కోసం 32MP ఫ్రంట్ కెమెరా కూడా ఉంది.
