తమిళనాడు ప్రభుత్వం జారీ చేసిన జీవో ప్రకారం, కె. వెంకట నారాయణ ప్రత్యేక ప్రతినిధి పదవికి ఒక సంవత్సరం పాటు క్యాబినెట్ హోదా కలిగిన బాధ్యతలు అప్పగించబడ్డాయి.
వెంకట నారాయణ వ్యాపార, సినిమా రంగాల్లో ప్రముఖ పాత్ర పోషిస్తున్నారు. రియల్ ఎస్టేట్, ఎంటర్టైన్మెంట్ రంగాల్లో KVN గ్రూప్ చైర్మన్గా పనిచేస్తున్న ఆయన ఇప్పుడు మెగాస్టార్ చిరంజీవి 158వ చిత్రం నిర్మిస్తున్నారు. విజయ్ నటిస్తున్న 'జననాయగన్' చిత్రానికి కూడా నిర్మాతగా వ్యవహరిస్తున్నారు.
విజయ్, వెంకట నారాయణ మధ్య సన్నిహిత సంబంధం గత కొన్ని నెలలుగా రాజకీయ వర్గాల్లో చర్చనీయాంశంగా మారింది. 'జననాయగన్' సినిమా సెన్సార్ ధ్రువీకరణ ఆలస్యం వంటి పరిస్థితులు కూడా ఈ నిర్ణయాన్ని మరింత ఆసక్తికరంగా మార్చాయి. ఈ నియామకం వెనుక ఉన్న రాజకీయ వ్యూహం గురించి విశ్లేషణలు కొనసాగుతున్నాయి.
