స్టార్ రచయితగా, నటుడిగా, దర్శకుడిగా గుర్తింపు పొందిన ఒక టాలీవుడ్ నటుడు ఇటీవల తన కొత్త సినిమా ప్రమోషన్లలో భాగంగా ఒక మీడియా ఛానల్కు ఇంటర్వ్యూ ఇచ్చారు. ఈ సందర్భంగా గతంలో జరిగిన కొన్ని సంఘటనలతో పాటు, ఒక స్టార్ దర్శకుడితో ఆయనకు ఉన్న వివాదం గురించి ప్రశ్నలు ఎదురయ్యాయి.
ఈ ప్రశ్నలు వినగానే సదరు నటుడు తీవ్ర అసహనానికి లోనయ్యారు. ఆ స్టార్ దర్శకుడిని ఉద్దేశించి పాత విషయాలను ప్రస్తావిస్తూ తీవ్ర పదజాలంతో విమర్శలు చేశారు. ఆ తర్వాత ఆ ప్రశ్న అడిగిన మీడియా ప్రతినిధిపై కూడా ఆయన ఆగ్రహం వ్యక్తం చేశారు.
ఇంటర్వ్యూ ముగిసిన వెంటనే, ఆ విజువల్స్ బయటకు రాకూడదనే ఉద్దేశంతో నటుడు మరియు ఆయన టీమ్ కెమెరామెన్ను అడిగి మెమరీ చిప్లను తీసుకున్నారు. అనంతరం ఆ చిప్లను విరగ్గొట్టేశారు. సాధారణంగా సెలబ్రిటీలు వివాదాస్పద వ్యాఖ్యలను ఎడిట్ చేయమని కోరడం చూస్తుంటాం, కానీ ఇలా నేరుగా చిప్లను ధ్వంసం చేయడం ఇప్పుడు చర్చకు దారితీసింది.
ఆ చిప్లలో అసలు ఎంతటి కంటెంట్ ఉంది, ఆయన ఏ స్థాయిలో మాట్లాడారు అనే అంశంపై ఇప్పుడు టాలీవుడ్ వర్గాల్లో చర్చ జరుగుతోంది. ఈ ఘటనకు సంబంధించిన వివరాలు మీడియాలో విస్తృతంగా ప్రచారంలోకి వచ్చాయి.
