MG మోటార్స్ ఇండియా తన కొత్త ‘అడ్వాన్స్డ్ డ్రైవ్ ఆర్కిటెక్చర్ ప్లాట్ఫామ్ టెక్నాలజీ’ (ADAPT)ను వెల్లడించింది. ఈ న్యూ ఎనర్జీ వెహికల్ (NEV) ఆర్కిటెక్చర్ ద్వారా ప్లగ్-ఇన్ హైబ్రిడ్, స్ట్రాంగ్ హైబ్రిడ్, రేంజ్-ఎక్స్టెండర్ హైబ్రిడ్ మరియు పూర్తి ఎలక్ట్రిక్ మోడళ్లను కంపెనీ నిర్మించనుంది. అయితే, కేవలం పెట్రోల్, డీజిల్పై నడిచే ఇంటర్నల్ కంబషన్ ఇంజిన్ (ICE) వాహనాలకు ఈ ప్లాట్ఫామ్ అందుబాటులో ఉండదు.
ఈ ప్లాట్ఫామ్లో భాగంగా కొత్త నాచురల్లీ ఆస్పిరేటెడ్ పెట్రోల్ ఇంజిన్ను ఎంజీ రూపొందించింది. ఇది 43 శాతం వరకు థర్మల్ సామర్థ్యాన్ని కలిగి ఉంటుంది, ఇది సాధారణ పెట్రోల్ ఇంజిన్ల సామర్థ్యం కంటే ఎక్కువ. ఈ ఇంజిన్ను డెడికేటెడ్ హైబ్రిడ్ ట్రాన్స్మిషన్ (DHT)తో జత చేశారు. ఇందులో ఉండే ఎలక్ట్రోమాగ్నెటిక్ ఈ-క్లచ్, సంప్రదాయ హైబ్రిడ్ సిస్టమ్స్ కంటే నాలుగు రెట్లు వేగంగా స్పందిస్తుందని కంపెనీ పేర్కొంది.
ఈ వాహనాల్లో పర్మనెంట్ మాగ్నెట్ సింక్రోనస్ మోటార్, 2-స్టేజ్ రిడక్షన్ గేర్బాక్స్తో కూడిన 10-ఇన్-1 డ్రైవ్ యూనిట్ ఉంటుంది. ఇది డ్రైవింగ్ పరిస్థితులను బట్టి ప్యూర్ ఎలక్ట్రిక్, సిరీస్ హైబ్రిడ్, పారలల్ హైబ్రిడ్ మరియు ఇంజన్ డైరెక్ట్ డ్రైవ్ అనే నాలుగు మోడ్లలో పనిచేస్తుంది. ఇంజిన్, ఎలక్ట్రిక్ మోటార్ అవుట్పుట్లను ఇంటెలిజెంట్ ఎనర్జీ మేనేజ్మెంట్ సిస్టమ్ నియంత్రిస్తుంది.
ఎంజీ ఈ ప్లాట్ఫామ్ ద్వారా నాలుగు రకాల వాహనాలను తీసుకురానుంది. పూర్తి ఎలక్ట్రిక్ మోడల్, బ్యాటరీని ఛార్జ్ చేయాల్సిన అవసరం లేని స్ట్రాంగ్ హైబ్రిడ్, ప్రత్యేక ఛార్జింగ్ అవసరమైన ప్లగ్-ఇన్ హైబ్రిడ్, మరియు బ్యాటరీని ఛార్జ్ చేసే జనరేటర్గా ఇంజిన్ పనిచేసే రేంజ్-ఎక్స్టెండర్ హైబ్రిడ్ మోడళ్లను కంపెనీ నిర్మించబోతోంది.
