యువ క్రికెటర్ వైభవ్ సూర్యవంశీ వయసు 15 ఏళ్లా లేక 18 ఏళ్లా అనే చర్చతో ఎవరికీ నష్టం లేదని ఆస్ట్రేలియా దిగ్గజ బౌలర్ బ్రెట్ లీ తేల్చి చెప్పారు. ఒక ప్రముఖ యూట్యూబ్ ఛానెల్లో మాట్లాడిన లీ, సూర్యవంశీ మైదానంలో ప్రదర్శిస్తున్న ఆత్మవిశ్వాసం, ఆట తీరు 28 లేదా 30 ఏళ్ల అనుభవజ్ఞుడైన క్రికెటర్ను తలపిస్తున్నాయని పేర్కొన్నారు.
ప్రస్తుతం క్రికెట్ వర్గాల్లో సూర్యవంశీ వయసు హాట్ టాపిక్గా మారిందని, ప్రపంచవ్యాప్తంగా చాలా మంది తనను ఇదే ప్రశ్న అడుగుతున్నారని లీ వెల్లడించారు. అయితే, అత్యున్నత స్థాయిలో క్రికెట్ ఆడగల సామర్థ్యం అతడికి ఉందా లేదా అనేదే అసలైన చర్చ కావాలని ఆయన సూచించారు. భారత్కు దొరికిన గొప్ప ఆణిముత్యం వైభవ్ అని, భవిష్యత్తులో అతను మరిన్ని విజయాలు సాధిస్తాడని లీ ఆశాభావం వ్యక్తం చేశారు.
ఐపీఎల్లో సన్రైజర్స్ హైదరాబాద్పై వైభవ్ చేసిన 97 పరుగుల ఇన్నింగ్స్ను లీ ప్రత్యేకంగా ప్రస్తావించారు. ఆస్ట్రేలియా ఫాస్ట్ బౌలర్లు వేగంగా బంతులు విసురుతున్నా, వాటిని సునాయాసంగా హుక్ షాట్లు కొట్టడం అద్భుతమని ఆయన కొనియాడారు. వైభవ్ ఇంకా చిన్న పిల్లాడని, అతనిపై అనవసరమైన ఒత్తిడి పెంచకుండా సహజంగా ఎదగనివ్వాలని లీ హితవు పలికారు. అతని భవిష్యత్తును బ్యాటింగ్ లోపాల కంటే అతని మైండ్సెట్ నిర్ణయిస్తుందని ఆయన అభిప్రాయపడ్డారు.
