సూరత్లోని రాజారాంనగర్ సొసైటీలో ఉన్న ఒక ఇంటి వెనుక భాగంలో గ్రిల్స్లో ఒక వ్యక్తి ఇరుక్కుపోయాడు. చోరీ చేసే ఉద్దేశంతోనే అతడు ఆ ఇంట్లోకి ప్రవేశించినట్లు ప్రాథమిక సమాచారం. గ్రిల్స్లో చిక్కుకున్న వ్యక్తి బయటకు రాలేక ఇబ్బంది పడుతుండగా స్థానికులు గమనించారు.
ఆ వ్యక్తిని పట్టుకునే ప్రయత్నంలో కొందరు స్థానికులు కర్రలు, రాళ్లతో దాడి చేసినట్లు తెలుస్తోంది. ఈ ఘటనకు సంబంధించిన వీడియో ఒకటి సోషల్ మీడియాలో విస్తృతంగా వ్యాపించింది. వీడియో వైరల్ కావడంతో కపోదర పోలీసులు సంఘటనా స్థలానికి చేరుకుని పరిస్థితిని సమీక్షించారు.
ఈ ఘటన సుమారు పది రోజుల క్రితం నానా వరచ్చాలోని రాజారామ్నగర్ సొసైటీలో జరిగిందని పోలీస్ ఇన్స్పెక్టర్ ఎంఆర్ సోలంకి తెలిపారు. అయితే, ఘటన జరిగిన సమయంలో పోలీసులకు ఎవరూ అధికారికంగా ఫిర్యాదు చేయలేదు. ప్రస్తుతం అమెరికాలో ఉంటున్న ఇంటి యజమాని కిషోర్భాయ్ను పోలీసులు సంప్రదించారు.
తన ఇల్లు చాలా కాలంగా మూసి ఉందని, ఇంట్లో నగదు లేదా విలువైన వస్తువులు ఏమీ లేవని, ఎలాంటి దొంగతనం జరగలేదని ఆయన పోలీసులకు చెప్పారు. ఈ ఘటనపై వీడియో ఆధారంగా పోలీసులు దర్యాప్తు కొనసాగిస్తున్నారు.
