రక్షణ మరియు విమానయాన రంగంలో విడిభాగాలను తయారు చేసే సిగ్మా అడ్వాన్స్ సిస్టమ్స్, తన యూకే (యునైటెడ్ కింగ్డమ్) శాఖ బ్రామ్ఫోర్డ్ ప్రిసిషన్ సల్యూషన్స్ ద్వారా ఈ ఒప్పందాన్ని కుదుర్చుకుంది. దీని ద్వారా రోల్స్ రాయ్స్తో సిగ్మా చేసుకున్న మొత్తం ఒప్పందాల విలువ £425 మిలియన్లకు పెరిగింది. ఇది గతంలో ఉన్న £300 మిలియన్ల ఒప్పందం కంటే ఎక్కువ.
ఈ ఒప్పందం ప్రకారం, విమానాల ఇంజిన్ తయారీకి అవసరమైన రింగులు, కేసింగ్లు, లాక్ ప్లేట్లు మరియు ఇతర ముఖ్యమైన ఇంజిన్ భాగాలను సిగ్మా తయారు చేస్తుంది. వీటిని భారత్ మరియు యూకేలోని తమ తయారీ కేంద్రాల్లో సిగ్మా ఉత్పత్తి చేస్తుంది.
ఈ ఒప్పందం వల్ల రోల్స్ రాయ్స్కు విడిభాగాల సరఫరాలో రెండు వేర్వేరు ప్రాంతాల నుంచి లభించే వెసులుబాటు (డబుల్ సోర్స్ మాన్యుఫెక్చరింగ్) కలుగుతుంది. దీని ద్వారా రోల్స్ రాయ్స్కు అవసరమైన విడిభాగాలను మరింత ఎక్కువగా అందించే అవకాశం సిగ్మాకు దక్కింది.
ఈ ఒప్పందం యూకేలోని లీసెస్టర్షీర్ ఫ్యాక్టరీకి పని భద్రతను కల్పిస్తుంది. అంతేకాకుండా, యూకేలో నైపుణ్యం కలిగిన ఇంజనీరింగ్ మరియు తయారీ రంగ ఉద్యోగాలను కూడా ఈ ఒప్పందం కాపాడుతుంది.
సిగ్మా సంస్థ భారత్ మరియు యూకేలో తన వ్యాపార కార్యకలాపాలను నిర్వహిస్తోంది. రక్షణ మరియు విమానయాన రంగ కస్టమర్లకు అవసరమైన ఖచ్చితమైన విడిభాగాలు మరియు వ్యవస్థలను ఈ సంస్థ అందిస్తుంది.
