బాలీవుడ్ భారీ బడ్జెట్ చిత్రం 'రామాయణం' ట్రైలర్ విడుదలకు చిత్ర యూనిట్ సమయాన్ని నిర్ణయించింది. జూలై 30న తెల్లవారుజామున 4:15 గంటలకు, అంటే పవిత్రమైన బ్రహ్మ ముహూర్తంలో ఈ ట్రైలర్ను విడుదల చేయనున్నట్లు మేకర్స్ ఒక పోస్టర్ ద్వారా ప్రకటించారు. ఈ ట్రైలర్ మొత్తం నాలుగు నిమిషాల నిడివిని కలిగి ఉంటుంది.
వాస్తవానికి ఈ ప్రచార చిత్రాన్ని జూలై 24, 2026న ఆన్లైన్లో విడుదల చేయాలని చిత్ర బృందం భావించింది. అయితే, సోనీ పిక్చర్స్ అంతర్జాతీయ పంపిణీ బాధ్యతలను చేపట్టడంతో విడుదల ప్రణాళికల్లో మార్పులు చోటుచేసుకున్నాయి. నిర్మాత నమిత్ మల్హోత్రా ఈ ట్రైలర్ కోసం ప్రత్యేకంగా శుభ ముహూర్తాన్ని ఎంచుకున్నారు.
'దంగల్' ఫేమ్ నితేష్ తివారీ దర్శకత్వంలో తెరకెక్కుతున్న ఈ పౌరాణిక చిత్రంలో రణ్బీర్ కపూర్ రాముడిగా, సాయి పల్లవి సీతగా, యష్ రావణుడిగా నటిస్తున్నారు. వీరితో పాటు రవి దూబే, సన్నీ డియోల్, రకుల్ ప్రీత్ సింగ్ తదితరులు కీలక పాత్రల్లో కనిపించనున్నారు.
ఈ భారీ చిత్రం 2026 దీపావళికి థియేటర్లలో విడుదల కానుంది. జూలై 30న రాబోతున్న ట్రైలర్ ఎలాంటి విజువల్ వండర్ను ఆవిష్కరిస్తుందో చూడాలని సినీ అభిమానులు ఆసక్తిగా ఎదురుచూస్తున్నారు.
