ప్రధాని నివాసం వద్ద కాంగ్రెస్ నాయకులు చేపట్టిన ప్రదర్శనపై డాక్టర్ పొంగులేటి సుధాకర్ రెడ్డి తీవ్ర అభ్యంతరం వ్యక్తం చేశారు. కాంగ్రెస్ నేతలు రాజకీయ నాటకాలు ఆడుతున్నారని ఆయన ఆరోపించారు.
పార్లమెంటరీ ప్రజాస్వామ్యంలో చర్చలకు ప్రాధాన్యత ఉంటుందని, అయితే కాంగ్రెస్ నాయకులు పార్లమెంటరీ డిబేట్ కంటే రాజకీయ నాటకాల వైపే మొగ్గు చూపుతున్నారని ఆయన విమర్శించారు. ఇటువంటి ప్రదర్శనలు ప్రజాస్వామ్య విలువలకు విరుద్ధమని ఆయన అభిప్రాయపడ్డారు.
ప్రధాని నివాసం వద్ద నిరసనలు తెలపడం సరైన పద్ధతి కాదని, ఇది పార్లమెంటరీ డిమాక్రసీకి భంగం కలిగిస్తుందని ఆయన స్పష్టం చేశారు. రాజకీయ విమర్శలు ప్రజాస్వామ్య పద్ధతిలో జరగాలని ఆయన సూచించారు.
