ఢిల్లీలో కాక్రోచ్ పార్టీ ఆధ్వర్యంలో జరుగుతున్న నిరసనల్లో హింస చోటుచేసుకోవడం పట్ల పర్యావరణ కార్యకర్త సోనమ్ వాంగ్ చుక్ తీవ్ర ఆవేదన వ్యక్తం చేశారు. శాంతియుత నిరసనలను కొందరు సంఘ విద్రోహ శక్తులు అవకాశంగా తీసుకుని హింసను రెచ్చగొడుతున్నారని ఆయన పేర్కొన్నారు.
గురువారం సోషల్ మీడియా ప్లాట్ఫాం X వేదికగా వాంగ్ చుక్ ఈ మేరకు స్పందించారు. జంతర్ మంతర్ వద్ద నిరసనలు శాంతియుతంగానే కొనసాగుతున్నాయని, అయితే ఇతర ప్రాంతాల్లో జరుగుతున్న హింసాత్మక ఘటనలు తనను బాధించాయని ఆయన తెలిపారు.
ఎదుటివారు ఎలా ప్రవర్తించినా, నిరసనకారులు మాత్రం అహింసా మార్గాన్ని వీడకూడదని వాంగ్ చుక్ సూచించారు. హింసకు హింసతో కాకుండా, ప్రేమ మరియు సహనంతో సమాధానం చెప్పాలని ఆయన యువతకు, విద్యార్థులకు పిలుపునిచ్చారు.
బయటి వ్యక్తులు రెచ్చగొట్టే అవకాశం ఉన్నందున, యువత ఎట్టి పరిస్థితుల్లోనూ సంయమనం కోల్పోవద్దని ఆయన హెచ్చరించారు. శాంతియుత మార్గంలోనే తమ నిరసనలను కొనసాగించాలని వాంగ్ చుక్ స్పష్టం చేశారు.
