టాలీవుడ్లో క్రేజీ కాంబినేషన్ సెట్ అయింది. హీరో నితిన్, ఆఫియా జంటగా నటించనున్న సరికొత్త చిత్రాన్ని రాబోయే సోమవారం పూజా కార్యక్రమాలతో లాంచ్ చేయబోతున్నారు. ఈ ప్రతిష్టాత్మక ప్రాజెక్టును 'దండోరా' ఫేమ్ మురళీకాంత్ దేవసోత్ తెరకెక్కిస్తున్నారు.
ఈ సినిమాకు నేచురల్ స్టార్ నాని నిర్మాతగా వ్యవహరిస్తున్నారు. తన సొంత నిర్మాణ సంస్థ 'యూనానిమస్' (uNANImous Productions) బ్యానర్పై ఆయన ఈ చిత్రాన్ని నిర్మిస్తుండటం విశేషం. వైవిధ్యమైన సినిమాలను ప్రోత్సహించే నాని నిర్మాణంలో నితిన్ నటిస్తుండటంతో ఈ సినిమాపై అంచనాలు పెరిగాయి.
సోమవారం జరగనున్న పూజా కార్యక్రమాలతో ఈ సినిమాకు సంబంధించి మరిన్ని వివరాలు బయటకు రానున్నాయి. రెగ్యులర్ షూటింగ్ ఎప్పుడు మొదలవుతుందనే విషయంతో పాటు, ప్రాజెక్టుకు సంబంధించిన ఇతర విశేషాలను మేకర్స్ త్వరలోనే అధికారికంగా వెల్లడించనున్నారు.
