గత మూడేళ్లుగా మలయాళ చిత్ర పరిశ్రమ బాక్సాఫీస్ వద్ద వరుస రికార్డులను సృష్టిస్తోంది. ఒకప్పుడు వంద కోట్ల వసూళ్ల కోసం కష్టపడిన మాలీవుడ్, ఇప్పుడు వందల కోట్ల ఆదాయాన్ని అందుకుంటోంది. మంజుమ్మెల్ బాయ్స్ రూ. 242 కోట్లు, ఎంపురాన్ రూ. 265 కోట్లకు పైగా వసూళ్లతో ప్రపంచవ్యాప్తంగా చరిత్ర సృష్టించాయి.
ఈ క్రమంలోనే కళ్యాణి ప్రియదర్శన్ నటించిన ఫీమేల్ సెంట్రిక్ సూపర్ హీరో సినిమా 'లోక ఛాప్టర్ 1' ప్రపంచవ్యాప్తంగా రూ. 300 కోట్ల వసూళ్లతో ఇండస్ట్రీ హిట్గా నిలిచింది. కేరళ రాష్ట్రం వరకు చూసుకుంటే, 2026లో 'వాళా 2' సినిమా రూ. 126 కోట్లు వసూలు చేసి రీజినల్ ఇండస్ట్రీ హిట్గా పేరు తెచ్చుకుంది.
అయితే, ఇప్పుడు 'బెత్లెహమ్ కుడుంబ' సినిమా ఈ రికార్డులను అధిగమించింది. కేరళలోనే ఈ సినిమా రూ. 130 కోట్లకు పైగా గ్రాస్ కలెక్షన్లను సాధించి కొత్త ఇండస్ట్రీ హిట్గా నిలిచింది. ఈ సినిమాలో నివిన్ పౌలీ, మమితా బైజుల మధ్య ఉన్న వయసు వ్యత్యాసంతో కూడిన ప్రేమకథ ప్రేక్షకులను బాగా ఆకట్టుకుంటోంది.
ప్రస్తుతం ఈ సినిమా ప్రపంచవ్యాప్తంగా రూ. 288 కోట్ల మార్కును దాటింది. 'లోక ఛాప్టర్ 1' పేరు మీద ఉన్న రూ. 300 కోట్ల ఆల్ టైమ్ రికార్డును ఈ వారమే బెత్లెహమ్ కుడుంబ అధిగమించే అవకాశం ఉందని అంచనా వేస్తున్నారు.
