దక్షిణ భారతంలో విస్తృత నెట్వర్క్ కలిగిన లలితా జ్యువెలరీ మార్ట్ లిమిటెడ్, మార్కెట్ నుంచి నిధులు సేకరించేందుకు తన తొలి పబ్లిక్ ఆఫరింగ్ (IPO) ప్రక్రియను సిద్ధం చేసింది. ఈ మేరకు కంపెనీ ప్రతి ఈక్విటీ షేరు ముఖ విలువను రూ. 5గా నిర్ణయించగా, ప్రైస్ బాండ్ను రూ. 190 నుంచి రూ. 201 మధ్య ఖరారు చేసింది. దీనికి సంబంధించిన రెడ్ హెర్రింగ్ ప్రోస్పెక్టస్ పత్రాలను ఇప్పటికే చెన్నైలోని రిజిస్ట్రార్ ఆఫ్ కంపెనీస్ (RoC) వద్ద దాఖలు చేసింది.
ఈ ఐపీఓ 2026, ఆగస్టు 17న మొదలై ఆగస్టు 19న ముగియనుంది. మొత్తం రూ. 1,700 కోట్ల విలువైన ఈ ఇష్యూలో, రూ. 1,200 కోట్ల తాజా ఈక్విటీ షేర్లు ఉండగా, ప్రమోటర్ ఎం. కిరణ్ కుమార్ జైన్ ద్వారా రూ. 500 కోట్ల ఆఫర్ ఫర్ సేల్ (OFS) అందుబాటులో ఉంటుంది. పెట్టుబడిదారులు కనీసం 74 షేర్ల లాట్ పరిమాణానికి బిడ్ వేయాల్సి ఉంటుంది. దీని ప్రకారం, కనిష్ట ధర వద్ద రూ. 14,060, గరిష్ట ధర వద్ద రూ. 14,874 పెట్టుబడి పెట్టాల్సి ఉంటుంది.
ప్రస్తుతం దక్షిణాదిలోని 51 నగరాల్లో 61 షోరూమ్లను నిర్వహిస్తున్న లలితా జ్యువెలరీ, టైర్-II మరియు టైర్-III నగరాలపై ప్రత్యేక దృష్టి సారిస్తోంది. క్రిసిల్ నివేదిక ప్రకారం, FY26లో ఒక్కో స్టోర్కు రూ. 410.23 కోట్ల నిర్వహణ రాబడిని సాధించి కంపెనీ రికార్డు నెలకొల్పింది. FY24లో రూ. 16,788.05 కోట్లుగా ఉన్న కార్యకలాపాల రాబడి, FY26 నాటికి రూ. 25,023.93 కోట్లకు పెరగగా, నికర లాభం రూ. 1,009.82 కోట్లకు చేరుకుంది.
ఐపీఓ ద్వారా సేకరించిన నిధులను కొత్తగా 10 షోరూమ్ల ఏర్పాటుకు వినియోగించాలని కంపెనీ లక్ష్యంగా పెట్టుకుంది. ఈ విస్తరణ ప్రణాళికల ద్వారా తన వ్యాపార సామర్థ్యాన్ని మరింత పెంచుకోవాలని సంస్థ భావిస్తోంది.
