మేర్లపాక గాంధీ దర్శకత్వంలో వరుణ్ తేజ్ నటించిన తాజా చిత్రం 'కొరియన్ కనకరాజు'. రితికా నాయక్ కథానాయికగా నటించిన ఈ సినిమాను యూవీ క్రియేషన్స్ సంస్థ నిర్మించింది. హారర్-కామెడీ నేపథ్యంలో రూపొందిన ఈ చిత్రం ఆగస్టు 7న ప్రపంచవ్యాప్తంగా ప్రేక్షకుల ముందుకు వచ్చింది.
ఈ సినిమా విడుదలైన తొలి ఆట నుంచే పాజిటివ్ టాక్ను సొంతం చేసుకుంది. ప్రీమియర్లతో కలిపి ప్రపంచవ్యాప్తంగా ఈ చిత్రం తొలి రోజు 10.20 కోట్ల రూపాయలకు పైగా గ్రాస్ వసూళ్లను సాధించినట్లు చిత్ర బృందం ఒక పోస్టర్ ద్వారా వెల్లడించింది. వరుణ్ తేజ్ కెరీర్లో తొలి రోజు అత్యధిక వసూళ్లు సాధించిన చిత్రంగా ఇది నిలిచింది.
ప్రస్తుతం వారాంతం కావడంతో వసూళ్లు మరింత పెరిగే అవకాశం ఉందని సినీ విశ్లేషకులు అంచనా వేస్తున్నారు. శని, ఆదివారాల్లో ప్రేక్షకుల ఆదరణతో ఈ చిత్రం కలెక్షన్లు భారీగా పెరిగే అవకాశం ఉందని వారు చెబుతున్నారు.
