హరారే వేదికగా జరుగుతున్న రెండో టీ20 మ్యాచ్లో భారత బ్యాటర్లు జింబాబ్వే బౌలర్లపై విరుచుకుపడ్డారు. నిర్ణీత 20 ఓవర్లలో భారత్ 5 వికెట్ల నష్టానికి 219 పరుగులు సాధించింది. దీంతో జింబాబ్వే జట్టు విజయానికి 220 పరుగుల భారీ లక్ష్యాన్ని భారత్ నిర్దేశించింది.
ఈ మ్యాచ్లో ఇషాన్ కిషన్ 44 బంతుల్లో 9 ఫోర్లు, 2 సిక్సర్లతో 81 పరుగులు చేసి మెరిశారు. మరోవైపు తిలక్ వర్మ 29 బంతుల్లో 5 ఫోర్లు, 3 సిక్సర్లతో 60 పరుగులు చేసి నాటౌట్గా నిలిచారు. వీరిద్దరి దూకుడుతో భారత స్కోరు బోర్డు వేగంగా పెరిగింది.
మిగిలిన బ్యాటర్లలో శ్రేయస్ అయ్యర్ 20 బంతుల్లో 25 పరుగులు, వైభవ్ సూర్యవంశీ 9 బంతుల్లో 20 పరుగులు చేశారు. అభిషేక్ శర్మ 8 పరుగులకే వెనుదిరిగారు. జింబాబ్వే బౌలర్లలో బ్లెస్సింగ్ ముజారబానీ, రిచర్డ్ నగరవ, బ్రియాన్ బెన్నెట్, న్యూమన్ న్యాముహురి, బ్రాడ్ ఎవాన్స్ తలా ఒక వికెట్ సాధించారు.
