అమెరికాలో H1B మరియు L1 వీసాలను పునరుద్ధరించుకునే ఎంప్లాయర్లు ఇకపై భారీగా ఫీజు చెల్లించాల్సి రావచ్చు. ఈ వీసాల పునరుద్ధరణ కోసం ఒక్కో దరఖాస్తుపై $4,000 లేదా $4,500 ఫీజు వసూలు చేయాలని అమెరికా హోమ్ల్యాండ్ సెక్యూరిటీ శాఖ ప్రతిపాదించింది. గతంలో వీసా పునరుద్ధరణల కోసం ఎంప్లాయర్లు ఎటువంటి అదనపు ఫీజు చెల్లించాల్సిన అవసరం ఉండేది కాదు.
అమెరికా సిటిజన్షిప్ అండ్ ఇమ్మిగ్రేషన్ సర్వీస్ (USCIS) గణాంకాల ప్రకారం, అమెరికాలో పనిచేస్తున్న భారతీయ ప్రొఫెషనల్స్ ఈ వీసా విభాగాల్లో అత్యధిక సంఖ్యలో ఉన్నారు. దీంతో ఈ కొత్త ప్రతిపాదన అమలైతే, అమెరికాలో పనిచేస్తున్న భారతీయ ఉద్యోగులపై దీని ప్రభావం నేరుగా ఉండే అవకాశం ఉంది.
అయితే, ఈ ప్రతిపాదన ప్రస్తుతం ప్రాథమిక దశలోనే ఉంది. ఇది వెంటనే అమల్లోకి రాదు. దీనిని అమలు చేయాలంటే ఫెడరల్ రూల్ మేకింగ్ ప్రక్రియను పూర్తి చేయాల్సి ఉంటుంది. ఈ ప్రక్రియ ద్వారానే ప్రభుత్వం తుది నిర్ణయం తీసుకుంటుంది.
