అమెజాన్ ప్రైమ్ డే సేల్లో షావోమీ 17T స్మార్ట్ఫోన్ ధరపై రూ.5,000 తగ్గింపు లభిస్తోంది. గత నెలలో భారత మార్కెట్లో లాంచ్ అయిన ఈ 12జీబీ/256జీబీ వేరియంట్ మొదటి ధర రూ.59,999 కాగా, బ్యాంక్ ఆఫర్తో ఇప్పుడు రూ.54,999కే లభిస్తోంది.
ఈ తగ్గింపు పొందాలంటే ఎస్బీఐ క్రెడిట్ కార్డ్తో పేమెంట్ చేయాల్సి ఉంటుంది. మీ వద్ద ఉన్న పాత ఫోన్ను ఎక్స్ఛేంజ్ చేసుకుంటే, ఫోన్ ధర మరింత తగ్గి రూ.38,300 వరకు రావచ్చు. అయితే, ఎక్స్ఛేంజ్ విలువ పాత ఫోన్ పనితీరు, మోడల్పై ఆధారపడి ఉంటుంది.
ఈ ఫోన్ మీడియాటెక్ డైమెన్సిటీ 8500 అల్ట్రా ప్రాసెసర్పై ఆండ్రాయిడ్ 16 ఆధారిత షావోమీ హైపర్ OS 3తో పనిచేస్తుంది. 6.59 అంగుళాల 1.5K ఓఎల్ఈడీ డిస్ప్లే 120Hz రిఫ్రెష్ రేట్, 3500 నిట్స్ పీక్ బ్రైట్నెస్ను అందిస్తుంది. దీనికి 6500mAh బ్యాటరీ, 67W హైపర్ఛార్జింగ్, 22.5W రివర్స్ వైర్డ్ ఛార్జింగ్ సౌకర్యాలు ఉన్నాయి.
కెమెరా విభాగంలో 50MP లైట్ ఫ్యూజన్ ప్రైమరీ కెమెరా, 50MP పెరిస్కోప్ టెలిఫోటో కెమెరా, 12MP అల్ట్రా-వైడ్ కెమెరాతో పాటు 32MP ఫ్రంట్ కెమెరా ఉంది. 5జీ, Wi-Fi 6, బ్లూటూత్ 6.0, NFC వంటి కనెక్టివిటీ ఆప్షన్స్ ఈ ఫోన్లో అందుబాటులో ఉన్నాయి.
