మోటరోలా ఎడ్జ్ 70 మాక్స్ స్మార్ట్ఫోన్ రెండు వేరియంట్లలో మార్కెట్లోకి వస్తోంది. దీని 8GB+256GB బేస్ మోడల్ ధర రూ.54,999 కాగా, 12GB+256GB టాప్-ఎండ్ వేరియంట్ ధర రూ.59,999గా కంపెనీ నిర్ణయించింది. ఈ ఫోన్ పాంటోన్ ఆక్వా గ్రే, పాంటోన్ డార్క్ షాడో, పాంటోన్ ఐస్ మెల్ట్ రంగుల్లో లభిస్తుంది.
కొనుగోలుదారులకు ఆకర్షణీయమైన ఆఫర్లను కంపెనీ ప్రకటించింది. హెచ్డిఎఫ్సి, యాక్సిస్ బ్యాంక్ కార్డులను ఉపయోగించే వారికి రూ.5,000 ఇన్స్టంట్ డిస్కౌంట్ లభిస్తుంది. దీనికి అదనంగా రూ.5,000 ఎక్స్ఛేంజ్ బోనస్ కూడా ఉండటంతో, ఫోన్ ఎఫెక్టివ్ ధర రూ.44,999కి తగ్గుతుంది.
సాంకేతిక పరంగా ఈ ఫోన్ శక్తివంతమైన ఫీచర్లను కలిగి ఉంది. ఇందులో 3nm స్నాప్డ్రాగన్ 8 జెన్ 5 ప్రాసెసర్, 7100mAh భారీ బ్యాటరీ, 90W వైర్డ్, 25W వైర్లెస్ మరియు 5W రివర్స్ ఛార్జింగ్ సపోర్ట్ ఉన్నాయి. 6.8-ఇంచుల QHD+ ఎక్స్ట్రీమ్ అమోలెడ్ డిస్ప్లే 144Hz రిఫ్రెష్ రేట్, 7000 నిట్స్ పీక్ బ్రైట్నెస్తో వస్తోంది. గొరిల్లా గ్లాస్ 7i ప్రొటెక్షన్, మిలిటరీ-గ్రేడ్ సర్టిఫికేషన్, వేపర్ చేంబర్ కూలింగ్ సిస్టమ్, వాటర్ టచ్ ఫీచర్, IP68 + IP69 రేటింగ్ వంటివి దీనికి అదనపు బలం. 8.29 mm మందం, 221 గ్రాముల బరువుతో ఈ ఫోన్ రూపొందించబడింది.
కెమెరా విభాగంలో సోనీ LYT-710 సెన్సార్తో కూడిన 50MP ప్రధాన కెమెరా, 8MP అల్ట్రావైడ్ కెమెరా, OIS సపోర్ట్, 4K వీడియో రికార్డింగ్ మరియు 32MP సెల్ఫీ కెమెరా ఉన్నాయి. ఆండ్రాయిడ్ 16 ఆధారిత హాలో యూఐపై పనిచేసే ఈ ఫోన్కు 3 సంవత్సరాల ఓఎస్ అప్డేట్లు, 5 సంవత్సరాల సెక్యూరిటీ అప్డేట్లు లభిస్తాయి. జూలై 20 నుంచి ఫ్లిప్కార్ట్ మరియు మోటరోలా స్టోర్లలో ఈ ఫోన్ విక్రయాలు ప్రారంభమవుతాయి.
