అమెరికాలో తమ డేటా సెంటర్ల నిర్వహణ కోసం హైపర్స్కేలర్లు గ్యాస్ శక్తిని ప్రధాన వనరుగా మార్చుకుంటున్నాయి. ఇందులో భాగంగా Meta లౌసియానాలో తన హైపరియన్ డేటా సెంటర్ కోసం 7.5 గిగావాట్ల గ్యాస్ ప్లాంట్ను, అమెజాన్ 7.6 గిగావాట్ల ప్లాంట్ను నిర్మించనున్నట్లు ప్రకటించాయి. గూగుల్, మైక్రోసాఫ్ట్ కూడా ఇదే బాటలో సొంతంగా గ్యాస్ ప్లాంట్లను ఏర్పాటు చేసేందుకు సిద్ధమయ్యాయి.
అయితే, ఈ ప్రాజెక్టుల వల్ల హైపర్స్కేలర్ల డేటా సెంటర్ల నిర్వహణ ఖర్చులు భారీగా పెరగనున్నాయి. అమెరికాలోని కొన్ని ప్రాంతాల్లో గ్యాస్ ధరలు రాబోయే రెండు సంవత్సరాల్లో మూడు రెట్లు పెరిగే అవకాశం ఉందని తాజా శాస్త్రీయ నివేదిక అంచనా వేసింది. ఈ ధరల పెరుగుదల కంపెనీల ఆర్థిక ప్రణాళికలను తీవ్రంగా ప్రభావితం చేయనుంది.
AI లక్ష్యాలను చేరుకోవడానికి ఈ కంపెనీలు గ్యాస్ శక్తిపై ఆసక్తి చూపిస్తున్నప్పటికీ, పెరుగుతున్న ధరలు వాటికి సవాలుగా మారాయి. గ్యాస్ ధరల పెరుగుదల వల్ల డేటా సెంటర్ల నిర్వహణ ఖర్చులపై పడే భారం, భవిష్యత్తులో ఈ ప్రాజెక్టుల లాభదాయకతను నిర్ణయించనుంది.
