జూన్లో థియేటర్లలో విడుదలైన 'దీవానా' చిత్రం ఇప్పుడు డిజిటల్ వేదికపై అద్భుతమైన స్పందనను అందుకుంటోంది. హర్షిత్ రెడ్డి, స్నేహ మణిమేఘలై ప్రధాన పాత్రల్లో నటించిన ఈ సినిమా, ఇటీవల ఆహా ఓటీటీలో స్ట్రీమింగ్ ప్రారంభించిన కేవలం రెండు వారాల్లోనే 100 మిలియన్ మినిట్స్ వ్యూస్ మార్కును చేరుకుంది.
ఈ చిత్రంలోని ఇంటర్వెల్ ట్విస్ట్, తండ్రీ కొడుకుల మధ్య ఉండే ఎమోషనల్ సన్నివేశాలు మరియు మనసును ప్రేమించాలనే సందేశం ప్రేక్షకులను బాగా ఆకట్టుకుంటున్నాయి. ముఖ్యంగా లాయర్ పాత్రలో వేణు యెల్దండి నటించిన పోలీస్ స్టేషన్ సీన్ సోషల్ మీడియాలో విస్తృతంగా వ్యాపించడంతో, సినిమాకు మరింత ఆదరణ లభిస్తోంది.
థియేటర్లలో ఎక్కువ కాలం ప్రదర్శితం కాలేకపోయిన చిత్రాలు కూడా డిజిటల్ స్పేస్లో పెద్దగా ప్రభావం చూపని ప్రస్తుత తరుణంలో, 'దీవానా' మాత్రం టాప్ ట్రెండింగ్లో నిలిచి సత్తా చాటుతోంది. థియేటర్లలో ఈ చిత్రాన్ని చూడలేకపోయిన లక్షలాది మంది ప్రేక్షకులు ఇప్పుడు ఓటీటీలో ఆదరిస్తున్నారు.
ఈ సినిమా సాధిస్తున్న వ్యూస్ మరియు ప్రజాదరణను గమనిస్తుంటే, ఇది త్వరలోనే ఆల్టైమ్ అండర్ రేటెడ్ క్లాసిక్గా నిలుస్తుందని ట్రేడ్ వర్గాలు విశ్లేషిస్తున్నాయి.
