‘దసరా’ సినిమా తర్వాత నాని, దర్శకుడు శ్రీకాంత్ ఓదెల కలిసి చేస్తున్న రెండో చిత్రం ‘ది ప్యారడైజ్’. దేశవ్యాప్తంగా అన్ని భాషల్లో విడుదలయ్యే పాన్-ఇండియా చిత్రంగా వస్తున్న ఈ సినిమాపై ప్రేక్షకుల్లో భారీ అంచనాలు ఉన్నాయి.
ఈ సినిమాలోని #YESHANAGULA (యెషనాగుల) అనే పాటను ఆగస్టు 29న విడుదల చేస్తున్నట్లు దర్శకుడు శ్రీకాంత్ ఓదెల సోషల్ మీడియాలో వెల్లడించారు. ఈ పాటను అనిరుధ్ రవిచందర్ స్వరపరిచారు.
ఈ ఊరమాస్ ట్రాక్కు కాసర్ల శ్యామ్ సాహిత్యం అందించారు. జంగి రెడ్డి, ప్రభ ఈ పాటను పాడారు.
శ్రీకాంత్ ఓదెల ఈ పాటలోని చిన్న మ్యూజిక్ క్లిప్ను సోషల్ మీడియాలో పంచుకున్నారు. ఇది విడుదలైన వెంటనే నెటిజన్ల నుంచి భారీ స్పందన వచ్చింది.
ఇప్పటికే విడుదలైన గ్లింప్స్ (సినిమాలోని కొన్ని దృశ్యాల చిన్న వీడియో) సినిమాపై అంచనాలను పెంచింది. దీంతో అభిమానులు ఇప్పుడు ఆగస్టు 29 కోసం ఎదురుచూస్తున్నారు.
